| e-texts navigator |
| Wylie |
140b1 པ་དང་ཕྲད་པ་ཡིས། ། གང་གིས་མི་དག་རྒས་བྱེད་པའི།། མྱ་ངན་མི་བཟང་སྐྱེ་བར་འགྱུར།། སྡུག་པ་ཤི་བར་གྱུར་པ་ན།། གཉེན་འདུན་མཛའ་བཤེས་མང་པོ་དག། ཡུན་རིང་དུས་སུ་མྱ་ངན་དང་།། སྡུག
140b2 དང་བྲལ་བས་སྡུག་བསྔལ་འགྱུར། ། གང་ལ་སྡུག་དང་སྡུག་མིན་བྱེད།། དེ་ལ་མདུད་པ་ཡོད་མིན་པས།། དེ་ལྟས་སྡུག་ཉིད་སྡིག་ཅན་ལ།། སྡུག་པར་བྱེད་པ་མི་བྱའོ།། སྡུག་ལ་བལྟས་ཏེ་དོན་བཏང་བས
140b3 བདེ་སྦྱོར་རྣམས་ལ་མི་འཇུག་ཅིང་། ། བདག་ཉིད་མི་བདེའི་སྦྱོར་ལྡན་དག། བདེ་སྦྱོར་དོན་ལྡན་རྣམས་ལ་སྨོན།། གཟུགས་སྡུག་བདེ་བས་བསྡམས་པ་དག། ལྷ་མི་སོ་སོའི་རིགས་དག་ཏུ།། སྡིག་པ་བྱེད་ཅིང
140b4 ཡོངས་ཉམས་ནས། ། རྒ་དང་འཆི་བའི་དབང་དུ་འགྲོ།། གང་ཞིག་ཉིན་དང་མཚན་རྣམས་སུ།། བག་ཡོད་གཟུགས་སྡུག་སྤོང་བྱེད་པ།། དེས་ནི་སྤང་དཀའ་བདུད་ཟས་དང་།། སྡིག་པའི་རྩ་བ་དྲུངས་ནས་ཕྱུང
140b5 ལེགས་མིན་ལེགས་པའི་ཚུལ་དང་ནི། ། སྡུག་མིན་སྡུག་པའི་ཚུལ་གྱིས་དང་།། སྡུག་བསྔལ་བདེ་བའི་ཚུལ་གྱིས་སུ།། བག་མེད་རྣམས་ནི་མངོན་དུ་འཇོམས།། གལ་ཏེ་བདག་ལ་དགའ་བྱེད་ན།། ཉེས
140b6 པར་བྱེད་པར་བདེ་བ་དག། བདེ་བླག་ཁོ་ནར་མི་ཐོབ་པས།། འདི་ནི་སྡུག་ལ་གཞུག་མི་བྱ།། གལ་ཏེ་བདག་ལ་དགའ་བྱེད་ན།། ལེགས་པར་བྱེད་པས་བདེ་བ་དག། བདེ་བླག་ཁོ་ནར་འཐོབ་འགྱུར་བས།། འདི་ནི
140b7 སྡིག་ལ་གཞུག་མི་བྱ། ། དཔེར་ན་དགོན་པའི་གྲོང་ཁྱེར་དག། བརྟན་པའི་འོབས་ཀྱིས་བསྐོར་བ་ལྟར།། གལ་ཏེ་བདག་ལ་དགའ་བྱེད་ན།། འདི་ནི་བསྲུང་བས་ལེགས་པར་བསྲུངས།། གལ་ཏེ་བདག་ལ
iiif viewer powered by OpenSeadragon
