| e-texts navigator |
| Wylie |
139b1 བག་དང་བཅས་པའི་མཁས་པ་ཡིས། ། དོན་གཉིས་རབ་ཏུ་ལེན་པར་བྱེད།། ཚེ་འདིའི་དོན་ནི་གང་ཡིན་དང་།། ཕྱི་མའི་དོན་ནི་གང་ཡིན་པ།། དེ་དག་བརྟན་པས་རྟོགས་པས་ན།། མཁས་པ་ཞེས་ནི་བརྗོད་པ
139b2 ཡིན། ། དགེ་སྦྱོང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། བདག་ཉིད་ངན་འགྲོ་ལས་འདྲེན་ཏེ།། འདམ་རྫབ་ལས་ནི་གླང་ཆེན་བཞིན།། དགེ་སློང་བག་ཡོད་ལ་དགའ་ཞིང་།། བག་མེད་པ
139b3 ལ་འཇིགས་ལྟ་བས། ། སྡིག་པའི་ཆོས་རྣམས་སྤྲུག་པར་བྱེད།། རླུང་གིས་ལྗོན་ཤིང་ལོ་མ་བཞིན།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། ཀུན་ཏུ་སྦྱོར་བ་ཕྲ་སྦོམ་དག
139b4 མེ་ཡིས་བསྲེགས་པ་བཞིན་དུ་འགྲོ། ། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། ཀུན་ཏུ་སྦྱོར་བ་ཀུན་ཟད་པ།། རིམ་གྱིས་ཉམས་སུ་མྱོང་བར་འགྱུར།། དགེ་སློང་བག་ཡོད
139b5 ལ་དགའ་ཞིང་། ། བག་མེད་པ་ལ་འཇིགས་ལྟ་བས།། འདུ་བྱེད་ཉེར་ཞི་ཞི་བ་ཡི།། ཞི་བའི་གོ་འཕང་སོ་སོར་རྟོགས།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བ།། མྱ་ངན
139b6 འདས་དང་ཉེ་བའི་ཕྱིར། ། ཡོངས་སུ་ཉམས་འགྱུར་མི་སྲིད་།། བརྩོན་འགྲུས་ལྡན་ཞིང་བག་ཡོད་དང་།། ཆོས་སྤྱད་ལེགས་པར་སྤྱོད་བྱེད་པ།། འཇིག་རྟེན་འདི་དང་ཕ་རོལ་ཏུ།། ཆོས་སྤྱོད་པས་ནི་བདེ་བ
139b7 འཐོབ། ། ཞི་ཕྱིར་བསླབ་པ་ལ་བརྟན་དང་།། རྩོལ་བ་དང་ནི་བརྩོན་འགྲུས་བསྐྱེད།། མི་དྲན་པ་དང་བག་མེད་དང་།། བརྩོན་འགྲུས་ཆུང་དང་ཀུན་སྡོམ་མེད།། གཉིད་དང་སྙོམས་དང་གཡེང་བ་སྟེ།། འདི
iiif viewer powered by OpenSeadragon
