| e-texts navigator |
| Wylie |
139a1 ཆགས་སེམས་ཁོང་ཆུང་པ་ལྟར། ། དེ་བཞིན་ཆོས་ནི་སྤངས་ནས་ཀྱང་།། ཆོས་མིན་རྗེས་སུ་འཇུག་བྱེད་པའི།། བྱིས་པ་འཆི་བདག་དབང་འགྲོ་ཞིང་།། མི་ཆགས་བཞིན་དུ་བཅོམ་པ་ཐོབ
139a2 གང་ཞིག་བྱ་བ་རྣམ་སྤངས་ནས། ། མི་བྱ་བ་དག་བྱེད་པ་དང་།། བག་མེད་པ་ཡིས་རློམ་བྱེད་པ།། དེ་དག་རྣམས་ཀྱི་ཟག་པ་འཕེལ།། གང་གི་ཟག་པ་འཕེལ་འགྱུར་བ།། དེ་ཡི་ཟག་པ་རྐྱང་མ་ན།། གང་ཞིག་ལུས
139a3 གཏོགས་དྲན་པ་དག། རྟག་ཏུ་ལེགས་པར་བརྩམས་པ་དག། བྱ་བ་མ་ཡིན་མི་བྱེད་ཅིང་།། རྒྱུན་དུ་བྱ་བ་མེད་པ་དང་།། དྲན་དང་ཤེས་བཞིན་ལྡན་པ་དེའི།། ཟག་པ་རྣམས་ནི་ཟད་པར་འགྱུར།། གང་གི་ཟག་པ
139a4 ཟད་འགྱུར་བ། ། དེས་ནི་ཟག་མེད་ཐོབ་པར་འགྱུར།། ཇི་ཙམ་མང་དུ་སྨྲ་བྱེད་པ།། དེ་དག་དམ་ཆོས་འཛིན་མ་ཡིན།། གང་དག་འདི་ནི་ཐོས་ཉུང་ཡང་།། ལུས་ཀྱིས་ཆོས་དག་མངོན་སུམ་བྱས།། གང་དག་ཆོས
139a5 ལ་བག་བྱེད་པ། ། དེ་དག་དམ་ཆོས་འཛིན་པ་ཡིན།། གལ་ཏེ་རིགས་བཅས་ནང་དུ་སྨྲས་ཀྱང་ནི།། བག་མེད་མི་དག་དེ་ལྟར་བྱེད་མི་འགྱུར།། དཔེར་ན་ཕྱུགས་རྫིས་གཞན་གྱི་ཕྱུགས་བགྲངས་ལྟར།། དེ་དག་དགེ་སྦྱོང
139a6 སྐལ་བ་ཐོབ་མ་ཡིན། ། གལ་ཏེ་རིགས་བཅས་ཉུང་ངུ་སྨྲ་བྱེད་ཀྱང་།། ཆོས་ཀྱི་རྗེས་སུ་ཆོས་ལ་སྤྱོད་པ་དང་།། འདོད་ཆགས་ཞེ་སྡང་གཏི་མུག་སྤོང་བྱེད་པ།། དེ་དག་དགེ་སྦྱོང་སྐལ་བ་ཐོབ་པ་ཡིན།། བབ་ཡོད་བསྔགས།
139a7 བརྗོད་བྱེད་ཅིང་།། རྟག་ཏུ་བག་མེད་ལ་སྨོད་པས།། བག་ཡོད་མཆོད་སྦྱིན་བརྒྱ་པ་ཡང་།། ལྷ་རྣམས་ནང་ན་གཙོ་བོར་གྱུར།། བྱ་བ་བྱས་རུང་མ་བྱས་རུང་།། མཁས་པས་བག་ཡོད་བསྔགས་པ་བརྗོད
iiif viewer powered by OpenSeadragon
