| e-texts navigator |
| Wylie |
137a1 གང་དག་རྣམ་རྟོག་ཉེ་བར་ཞི་དགའ་ཞིང་།། མི་སྡུག་བསྒོམ་པ་རྟག་ཏུ་དྲན་བྱེད་དེ།། དེ་ཡི་སྲིད་པ་རབ་ཏུ་སྤངས་པ་ཡིས།། རང་གི་འཆིང་བ་དེ་དག་རུལ་བར་བྱེད།། འདོད་པ་མུན་ནག
137a2 འདྲ་བས་གཡོགས། ། སྲེད་པའི་དགབ་པས་བཀབ་པ་དང་།། བག་མེད་འཆིང་བས་བཅིངས་པ་དག། ཚེར་མར་ཆུད་པའི་ཉ་དང་འདྲ།། སྐྱེས་བུ་བག་མེད་རབ་ཏུ་སྤྱོད་བྱེད་པ།། འཁྲི་ཤིང་བཞིན་དུ་སྲེད་པ
137a3 འཕེལ་འགྱུར་ཞིང་། ། རྒ་དང་འཆི་བའི་རྗེས་སུ་འགྲོ་འགྱུར་ཏེ།། མ་དྲུང་ནུ་ཞོ་འདོད་པའི་བེའུ་འདྲ།། མི་དག་དྲན་པར་བྱེད་དང་ཆགས་བྱེད་དང་།། ཡིད་བདེ་བ་ལ་རྟོག་པར་བྱེད་པ་དག། དེ་ཡིས་ཡང་དང་ཡང་དུ
137a4 འཁོར་བར་འཁྱམ། ། ཚལ་ནང་འབྲས་བུ་འདོད་པའི་སྤྲེའུ་དང་མཚུངས།། མི་གང་རྟག་ཏུ་བདེ་བ་འདོད་བྱེད་པ།། སྐྱེ་དང་རྒ་བར་ཉེ་བར་འགྲོ་འགྱུར་ཞིང་།། སྐྱེ་དགུ་སྲིད་པ་རྣམས་ཀྱིས་མདུན་དུ་བདར།།
137a5 རྒྱནང་རི་བོང་ཡོངས་སུ་རྒྱུག་པ་བཞིན།། སྲིད་པ་རྣམས་ཀྱིས་མདུད་པའི་སེམས་ཅན་དག། སྲིད་དང་སྲིད་མིན་དག་ལ་སེམས་ཆགས་ཤིང་།། ཀུན་སྦྱོར་རོ་ལ་དགའ་བའི་བྱིས་པ་རྣམས།།
137a6 ཡང་དང་ཡང་དུ་སྡུག་བསྔལ་ཐོབ་པར་འགྱུར།། སྐྱེ་བོ་དྲུག་དང་བདེ་རྣམས་དང་བྲལ་ཞིང་།། བདུད་ཀྱི་སྦྱོར་བ་དག་དང་ལྡན་པ་དེ།། རྒ་དང་འཆི་བའི་རྗེས་སུ་འགྲོ་འགྱུར་ཏེ།། མ་དྲུང་ནུ་ཞོ་འདོད་པའི་བེའུ
137a7 དང་འདྲ། ། འདི་ནི་སྲེད་པ་དེ་འདྲ་སྤོང་བྱེད་པ།། སྲིད་དང་སྲིད་མིན་དག་ལ་སྲེད་བྲལ་ཞིང་།། དགེ་སློང་སྲིད་པ་ཟིལ་གྱིས་གནོན་བྱེད་པ།། ལྷག་མ་མེད་པ་ཡོངས་སུ་མྱ་ངན་འདའ།། གང་ཞིག་འཇིག་རྟེན།
iiif viewer powered by OpenSeadragon
