| e-texts navigator |
| Wylie |
136b1 འགྱུར། ། དེ་ལས་གང་དག་ཤེས་རབ་ཀྱིས།། ལྡོག་བྱེད་དེ་དག་ཚིམ་པ་འཐོབ།། འདོད་པས་ངོམས་པར་མི་འགྱུར་བས།། ཤེས་རབ་ཀྱིས་ནི་ངོམས་པ་སྐྱིད།། ཤེས་རབ་ཀྱིས་ནི་ངོམས་པའི་མི།། སྲིད་པའི
136b2 དབང་དུ་མི་འགྱུར་རོ། ། འདོད་ལ་ཆགས་པའི་མི་གང་ཡིན།། དེ་དག་ཀྱེ་མ་ཆོས་མིན་དགའ།། ཅུང་ཟད་གསོན་པོར་འདུག་པ་ན།། བར་ཆད་མཐོང་བར་མི་འགྱུར་རོ།། བློ་ངན་ལོངས་སྤྱོད་ཀྱིས་བཅོམ་པས།
136b3 ཕ་རོལ་ཚོལ་བར་མི་བྱེད་ཅིང་།། བསམ་བརླག་འདོད་ལ་སྲེད་པ་ཡིས།། བདག་དང་གཞན་ཡང་ཕུང་བར་བྱེད།། ཀར་ཤ་པ་ཎའི་ཆར་བབས་ཀྱང་།། འདོད་པ་རྣམས་ཀྱིས་ངོམས་མི་འགྱུར།། འདོད་པ
136b4 མནོག་ཆུང་ཉེས་མང་བར། ། མཁས་པ་རྣམས་ཀྱིས་ཁོང་དུ་ཆུད།། ལྔ་ཡི་འདོད་པ་རྣམས་ལ་ཡང་།། ལྷག་པར་དགའ་བར་མི་འགྱུར་གྱི།། རྫོགས་སངས་རྒྱས་དང་ཉན་ཐོས་རྣམས།། སྲེད་པ་ཟད་པས
136b5 དགྱེས་པར་འགྱུར། ། གངས་ཅན་དང་ནི་མཉམ་པ་ཡི།། གསེར་གྱི་རི་བོ་ཡོད་གྱུར་ཀྱང་།། ནོར་དེས་གཅིག་ཀྱང་མི་ཚིམ་པར།། རྟོགས་པར་གྱིས་ལ་ལེགས་པར་སྤྱོད།། གང་དག་སྡུག་བསྔལ་དེ་ཡི་རྒྱུས
136b6 ཤེས་པར། ། དེ་དག་ནམ་ཡང་འདོད་ལ་དགའ་མི་འགྱུར།། འཇིག་རྟེན་དག་ན་ཟུག་རྔུའི་རྒྱུར་ཤེས་ནས།། དེ་དག་གདུལ་ཕྱིར་བརྟན་པ་སློབ་པར་བྱེད།། འདོད་པའི་ཚེམས་ཏེ་གཉིས་པའོ།། །
136b7 ། ལུས་ཅན་རྣམ་པར་རྟོགས་པས་རབ་བཅོམ་པ།། འདོད་ཆགས་མི་བཟང་གཙང་བར་རྗེས་ལྟ་བས།། འདོད་ཆགས་ཕྱིར་ཞིང་རབ་ཏུ་འཕེལ་འགྱུར་ཏེ།། རང་གི་འཆིང་བ་དེ་ཡིས་དམ་པོར་བྱེད།
iiif viewer powered by OpenSeadragon
