| e-texts navigator |
| Wylie |
136a1 པ་སྲེག་བྱེད་བཞིན། ། ནོར་བུའི་རྣ་ཆ་བུ་མོ་ལ།། ཡོངས་སུ་ཆགས་སེམས་གང་ཡིན་ལ་བལྟོས་ན།། ལྕགས་ཤིང་གྲེས་མ་ལས་བྱས་ཆིངས་མ་གང་།། དེ་དག་དམ་པོ་མིན་ཞེས་འཕགས
136a2 པས་གསུངས། ། འདོད་པའི་ཆིངས་མ་གང་ཡིན་དེ་ལྷོད་ཀྱང་།། རབ་ཏུ་དགྲོལ་བར་དཀའ་ཞེས་འཕགས་པས་གསུངས།། བརྟན་རྣམས་འདོད་པའི་བདེ་ལ་མི་བལྟ་བར།། དེ་དག་གཏུབས་ནས་མྱུར་དུ་འགྲོ་བར་བྱེད།།
136a3 འཇིག་རྟེན་སྣ་ཚོགས་གང་དེ་འདོད་མིན་གྱི།། སྐྱེས་བུའི་ཀུན་རྟོག་འདོད་ཆགས་འདོད་པ་ཡིན།། འཇིག་རྟེན་སྣ་ཚོགས་དེ་བཞིན་གནས་ཀྱང་ནི།། འོན་ཀྱང་བརྟན་རྣམས་འདི་ལ་འདུན་པ་འདུལ།། མི་རྣམས་ལ་ནི་རྟག
136a4 པའི་འདོད་པ་མེད། ། འདོད་ཅན་གང་ལ་ཆགས་ཏེ་མི་རྟག་པས།། ཡང་སྲེད་མེད་ཕྱིར་སེམས་ཀྱིས་རབ་སྤོངས་ལ།། འཆི་བའི་གནས་མི་འགྱུར་བར་བྱོས་ཞེས་གསུངས།། འདུན་པ་སྐྱེས་ཤིང་ཟག་པར་མི་བྱེད
136a5 དང་། ། སེམས་ལ་སྐྱོན་མེད་པ་དང་དྲན་པ་དང་།། འདོད་པ་རྣམས་ལ་སོ་སོར་མ་ཆགས་གང་།། དེ་ནི་གོང་དུ་འཕོ་བ་ཡིན་ཞེས་གསུངས།། མགར་བ་ཡིས་ནི་དངུལ་བཞིན་དུ།། བློ་གྲོས་ལྡན་པས་རིམ་པ་བཞིན
136a6 སྐད་ཅིག་སྐད་ཅིག་ཅུང་ཟད་ཙམ། ། རང་གི་དྲི་མ་བསལ་བར་བྱ།། ལྷམ་མཁན་གྱིས་ནི་ཀོ་བ་དག། ཡོངས་སུ་སྦྱངས་ནས་ལྷམ་བྱེད་ལྟར།། འདོད་པ་གང་དང་གང་སྤངས་པ།། དེ་དེ་བདེ་བ་ཕུན་སུམ་ལྡན།། གལ
136a7 ཏེ་བདེ་བ་ཀུན་འདོད་ན། ། འདོད་པ་ཐམས་ཅད་ཡོངས་སུ་སྤོངས།། འདོད་པ་ཐམས་ཅད་ཡོངས་སྤངས་པས།། མཆོག་ཏུ་བདེ་བ་ཐོབ་པར་འགྱུར།། ཇི་སྲིད་འདོད་པའི་རྗེས་འབྲེང་བ།། དེ་སྲིད་བར་དུ་ངོམས་མི
iiif viewer powered by OpenSeadragon
