| e-texts navigator |
| Wylie |
135a1 ། རྒྱལ་པོན་ཤིང་རྟ་ཤིན་ཏུ་བཀྲབའང་འཇིག། དེ་བཞིན་ལུས་ཀྱང་ཉེ་བར་ན་བར་འགྱུར།། དམ་པ་རྣམས་ཀྱི་ཆོས་འདི་དམ་པ་སྟེ།། མི་མཆོག་གཞན་རྟོགས་བྱེད་ཅིང་ན་མི་འགྱུར
135a2 རྒ་བ་ཁྱོད་ནི་བླུན་ཞིང་ངན། ། ཁྱོད་ནི་མ་རིགས་བྱེད་པ་སྟེ།། ཡིད་དུ་འོང་བའི་གཟུགས་འདི་ཡང་།། ཁྱོད་ཀྱིས་མངོན་པར་བཅོམ་པར་འགྱུར།། གང་ཞིག་ལོ་ནི་བརྒྱ་འཚེ་བ།། དེ་ཡང་འཆི་བདག་ཉིད་ཀྱིས
135a3 ཁྲིད། ། འདི་དག་རྒ་བར་འགྱུར་བ་འམ།། ཡང་ནན་པའམ་འཆི་བས་འཇོམས།། རྟག་ཏུ་ལྡོག་པ་མེད་པར་འགྲོ་འགྱུར་ཞིང་།། ཉིན་དང་མཚན་དུ་རབ་ཏུ་འཇིགས་པ་དང་།། སྐྱེ་དང་འཆི་བའི་སྡུག་བསྔལ
135a4 དང་ལྡན་པ། ། ཆུ་ཚན་ནང་དུ་གདུངས་པའི་ཉ་དང་འདྲ།། ཚེ་འདི་ཉིད་དང་མཚན་མོ་དང་།། འགྲོ་བ་དང་ནི་འདུག་པ་ན།། ཆུ་ཀླུང་ཆེན་པོའི་རྒྱུན་བཞིན་དུ།། ཕྱིར་མི་ལྡོག་པར་འགྲོ་བར་འགྱུར།། ཆུ་ཀླུང་ནང་གི་ཉ
135a5 ལྟ་བུར། ། གང་ཞིག་ཉིན་ཞག་འདའ་བ་ཡིས།། ཚེ་ནི་ཤིན་ཏུ་ཐུང་འགྱུར་ན།། དེ་ལ་དགའ་བར་བྱ་ཅི་ཡོད།། གསོན་མཐའ་འཆི་བ་ཡིན་པའི་ཕྱིར།། ལུས་འདི་ཡོངས་སུ་རྒ་བ་དང་།། ནད་ཀྱི་ཚང་འདི་མྱུར་འཇིག
135a6 ཅིང་། ། རྣག་གི་ཚོགས་ཀྱང་འཇིག་པར་འགྱུར།། ཀྱེ་མ་ལུས་འདི་མི་ཐོགས་པར།། སྟོང་ཞིང་རྣམ་ཤེས་དང་བྲལ་ནས།། དུར་ཁྲོད་བོར་བའི་མགལ་དུམ་ལྟར།། ས་ཡི་སྟེང་དུ་འགྱེལ་བར་འགྱུར།། རྒྱུན་དུ་ནད
135a7 ཀྱིས་མངོན་གདུང་ཞིང་། ། རྟག་ཏུ་མི་གཙང་འཛག་པ་དང་།། རྒ་དང་འཆི་བས་འཚེར་འགྲིབ་པའི།། ལུས་འདི་ངོ་མ་ཅིར་མི་རུང་།། མྱུར་དུ་འཇིག་ཅིང་ན་བ་དང་།། རྣག་དང་ལྡན་པའི་ལུས་འདི་ཡིས།། གྲུབ་དང་བདེ་བ
iiif viewer powered by OpenSeadragon
