| e-texts navigator |
| Wylie |
364a1 བའི་སེམས་ཀྱིས་མཉེས་སྐྱོན་བརྗོད་པ། ། བདག་ཉིད་གསད་ཕྱིར་དམྱལ་བ་སྤེལ་བར་ཟད།། སྟོབས་ལྡན་ཉེས་མེད་པ་དག་བཟོད་བྱེད་ཅིང་།། དེ་ལས་སེམས་ཀྱང
364a2 འཁྲུག་པར་མི་བྱེད་དོ། ། སེམས་ནི་འཁྲུགས་པར་གྱུར་པའི་རྒྱུས།། སེམས་ཅན་ངན་འགྲོར་འགྲོ་གྱུར་ལ།། སེམས་ནི་རབ་ཏུ་དང་བའི་རྒྱུས།། སེམས་ཅན་བདེ་འགྲོ་རྣམས་སུ་འགྲོ།། དེ
364a3 ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཟླ་བས་ཇི་སྲིད་ཆོས་དང་ལྡན་པའི་གཏན་གྱིས་ཡང་དག་པར་མགུ་བར་གྱུར་གྱི་བར་དུ་མཛད་དོ། ། གདན་ལས་བཞེངས་ནས་གཤེགས
364a4 སོ། རྒྱལ་པོ་ཆེན་པོ་འདི་ཇི་སྙམ་དུ་སེམས། དེའི་ཚེ་དེའི་དུས་ན་དགེ་སློང་ཆོས་སྟོན་པ་དེ་གཞན་ཞིག་ཡིན་པ་སྙམ་དུ་སེམས་ན། དེ་ལྟར་མི་བལྟ་སྟེ། གཞན་དུ་ན་དགེ་སློང་གསེར་མདོག
364a5 འདི་ཉིད་ཡིན་ཏེ། དེའི་ཚེ་དེའི་དུས་ན་དགེ་སློང་དེ་ལ་སེམས་འཁྲུག་ཅིང་ངག་གི་ལས་རྩུབ་པོ་སྨྲས་པས། ལས་དེའི་རྣམ་པར་སྨིན་པས་སྐྱེ་བ་ལྔ་བརྒྱའི་བར་དུ་སེམས་ཅན་དམྱལ་ཉམས་སུ་མྱོང
364a6 ནས་མིར་སྐྱེས་ནས་ཀྱང་སྐྱེ་བ་ལྔ་བརྒྱའི་བར་དུ་ཉེས་པ་མེད་ཅིང་གནོད་པ་མི་བྱེད་བཞིན་དུ་གསལ་ཤིང་ལ་བསྐྱོན་ཏེ། ད་ལྟར་ལས་དེ་ཉིད་ཀྱི་དབང་གིས་ཡང་གནོད་པ་མི་བྱེད་པར་གསལ་ཤིང་ལ
364a7 བསྐྱོན་པ་ཡིན། གལ་ཏེ་འདིས་ལས་དེ་མི་རིགས་པ་ཡིན་པར་ཕན་ཚུན་བཤགས་པ་མ་བྱས་ན་ནི། སེམས་ཅན་དམྱལ་བ་རེ་རེར་ཡང་སྐྱེ་བ་ལྔ་བརྒྱ་ལྔ་བརྒྱ་མྱོང་བར་འགྱུར་ཞིང་། སྐྱེ་བ་ལྔ་བརྒྱར
iiif viewer powered by OpenSeadragon
