| e-texts navigator |
| Wylie |
173a1 སྐྱེས་སོ། ། དེ་ནས་བཅོམ་ལྡན་འདས་ཀྱིས་དེའི་ཆུ་ཚིགས་སུ་བཅད་དེ་བཀའ་སྩལ་པ། འཕགས་པ་རྣམས་ཀྱིས་བསྟན་པ་ཡིས།། ཆོས་ཀྱིས་འོས་པར་འཚོ་རྣམས་ལ།
173a2 སྡིག་པའི་ལྟ་བ་ལ་བརྟེན་ནས།། བློ་ངན་གང་ཞིག་སྨོད་བྱེད་པ།། ཚེར་ཅན་འོད་མའི་འབྲས་བུ་ལྟར།། དེ་ནི་འབྲས་བུ་རླག་པར་བྱེད།། དགེ་བར་འགྱུར་བ་བརྗོད་བྱ་སྟེ།། སྡིག་པ་ཅན་དག་ནི་མི་བརྗོད
173a3 དོ། ། དགེ་བ་སྨྲས་ན་ལེགས་པར་འགྱུར།། སྡིག་པ་སྨྲས་ན་སྲེག་འགྱུར་བས།། གལ་ཏེ་སྨྲ་ན་དགེ་པར་སྨྲའི།། སྡིག་པའི་སྨྲས་ན་རླག་པར་འགྱུར།། བྱིས་པ་རྣམས་ནི་སྡིག་སྨྲ་སྟེ།། འཕགས
173a4 པ་རྣམས་ནི་མ་ཡིན་ནོ། ། འདིར་ནི་ངན་འགྲོར་འགྲོ་བ་ཡི།། ལས་ནི་ཤས་ཆེར་བྱས་པས་ན།། ལས་དེ་དག་གིས་མནར་མེད་པའི།། དམྱལ་བ་དག་ཏུ་སྐྱེ་བར་འགྱུར།། དགེ་སློང་དག་ཚངས་རིས
173a5 ཀྱི་ལྷ་རྣམས་ཀྱི་ཚེའི་ཚད་ནི་བསྐལ་པ་ཕྱེད་དེ། བར་མ་དོར་འཆི་བ་ནི་ཡོད་དོ།། དགེ་སློང་དག་ཚངས་པའི་མདུན་ན་འདོན་གྱི་ལྷ་རྣམས་ཀྱི་ཚེའི་ཚད་ནི་བསྐལ་པའི་བའི་ཆ་གསུམ་ཐུབ་སྟེ། བར་མ་དོར
173a6 འཆི་བ་ནི་ཡོད་དོ། ། དགེ་སློང་དག་ཚངས་ཆེན་གྱི་ལྷ་རྣམས་ཀྱི་ཚེའི་ཚད་ནི་བསྐལ་པ་གཅིག་ཐུབ་སྟེ། བར་མ་དོར་འཆི་བ་ནི་ཡོད་དོ།། དགེ་སློང་དག་འོད་ཆུང་གི་ལྷ་རྣམས་ཀྱི་ཚེའི་ཚད་ནི་བསྐལ
173a7 པ་གཉིས་ཐུབ་སྟེ། བར་མ་དོར་འཆི་བ་ནི་ཡོད་དོ།། དགེ་སློང་དག་ཚད་མེད་འོད་ཀྱི་ལྷ་རྣམས་ཀྱི་ཚེའི་ཚད་ནི་བསྐལ་པ་བཞི་ཐུབ་སྟེ། བར་མ་དོར་འཆི་བ་ནི་ཡོད་དོ།། དགེ་སློང་དག་འོད
iiif viewer powered by OpenSeadragon
