| e-texts navigator |
| Wylie |
172b1 གང་བདེ་བ་མི་མྱོང་བའི། ། སྡིག་དེ་དེ་ཡི་ཁ་ནས་སོགས།། གང་འདིར་བརྒྱན་པོས་བདག་ནོར་ཡལ།། འདི་ནི་སྡིག་པ་ཆུང་ངུ་སྟེ།། གང་ཞིག་བདེ་གཤེགས་སྡང་སེམས་སྐྱེད།། འདིར་ནི
172b2 སྡིག་པ་ཆེའོ། ། ངག་དང་ཡིད་ཀྱིས་ཀྱང་ནི་སྡིག་བྱས་ཤིང་།། གང་ཞིག་འཕགས་ལ་སྨོད་པ་དམྱལ་འགྲོ་སྟེ།། སྟོང་ཕྲག་བརྒྱ་ནི་ཆུ་བུར་རྡོལ་རྣམས་སུ།། ཆུ་བུར་ཅན་དུ་སུམ་ཅུ་རྩ་དྲུག་གོ།། སྡིག
172b3 བའི་སེམས་ཀྱིས་བདེན་པར་མི་སྨྲ་བ། ། བདག་ཉིད་བརླག་ཅིང་དམྱལ་བ་འཕེལ་བར་བྱེད།། དེ་ཡིད་དྲི་མས་མ་སྩོགས་པར་བྱེད་དེ།། ཁ་ན་མ་ཐོ་མེད་པ་དེ་བཟོད་དོ།། དགེ་སློང་དག་སེམས་ཅན་དམྱ
172b4 བ་ཆེན་པོ་རབ་ཏུ་ཚ་བའི་ཚེའི་ཚད་ནི་བསྐལ་པ་ཕྱེད་དེ། བར་མ་དོར་འཆི་བ་ནི་ཡོད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འབྲས་བུ་ཡིད་འོང་མཐོ་རིས
172b5 སུ། ། སྐྱེ་འགྱུར་དགེ་བ་སྤངས་ནས་ནི།། འདིར་ནི་མི་སྡུག་ལས་བྱས་པས།། རབ་ཏུ་ཚ་བར་སྐྱེ་བར་འགྱུར།། དགེ་སྦྱོང་བྲམ་ཟེ་དགེ་བ་དང་།། ཕ་དང་མ་ཡང་བདེ་བཞིན་ཏེ།། གང་ཡང་བླ་མ
172b6 གཞན་གསོད་པ། ། རབ་ཏུ་ཚ་བར་དེ་འཚེད་དོ།། དགེ་སློང་དག་དམྱལ་བ་ཆེན་པོ་མནར་མེད་པའི་ཚེའི་ཚད་ནི་བསྐལ་པ་གཅིག་སྟེ། བར་མ་དོར་འཆི་བ་ནི་ཡོད་དོ།། མི་གཏི་མུག་ཅན་ལྷས་བྱིན
172b7 གྱིས་དགེ་འདུན་འཐུན་པ་ཕྱེ་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། དགེ་སློང་མ་ངཟ་བཅོམ་པ་བསད་པས་རང་གི་ལུས་དེ་ཉིད་ཀྱིས་དམྱལ་བ་ཆེན་པོ་མནར་མེད་པ་དེར
iiif viewer powered by OpenSeadragon
