| e-texts navigator |
| Wylie |
172a1 ཚད་ནི་དེ་ལྟ་མ་ཡིན་པར་ང་སྨྲའོ། ། ཆུ་བར་ཅན་གྱི་ཉི་ཤུ་ཇི་ལྟ་བ་དེ་ལྟར་ཆུ་བུར་རྡོལ་གྱི་གཅིག་ཡིན་ནོ།། ཆུ་བུར་རྡོལ་གྱི་ཉི་ཤུ་ཇི་ལྟ་བུ་དེ་ལྟར་སོ་ཐ་མ་ཐམ་ཀྱི་གཅིག་ཡི
172a2 ནོ། སོ་ཐམ་ཐམ་ཀྱི་ཉི་ཤུ་ཇི་ལྟ་བ་དེ་ལྟར་གྱི་ཧུད་ཟེར་གྱི་གཅིག་ཡིན་ནོ།། ཀྱི་ཧུད་ཟེར་གྱི་ཉི་ཤུ་ཇི་ལྟ་བ་དེ་ལྟར་ཨ་ཆུ་ཟེར་གྱི་གཅིག་ཡིན་ནོ།། ཨ་ཆུ་ཟེར་གྱི་ཉི་ཤུ་ཇི་ལྟ་བ་དེ་ལྟར་ཨུཏྤལ
172a3 ལྟར་གས་པའི་གཅིག་ཡིན་ནོ། ། ཨུཏྤ་ལ་ལྟར་གས་པའི་ཉི་ཤུ་ཇི་ལྟར་པདྨ་ལྟར་གས་པའི་གཅིག་ཡིན་ནོ།། པདྨ་ལྟར་གས་པའི་ཉི་ཤུ་ཇི་ལྟ་བ་དེ་ལྟར་པདྨ་ལྟར་གས་པའི་ཆེན་པོའི་གཅིག
172a4 ཡིན་ནོ། ། ལྷས་བྱིན་གྱི་ཕྱོགས་དགེ་སློང་ཀོ་ཀཱ་ལི་ཀས་དགེ་སློང་ཤཱ་རིའི་བུ་དང་། མོའུ་འགལ་གྱི་བུ་ལ་ཞེ་སྡང་གི་སེམས་བསྐྱེད་པས་རང་གི་ལུས་དེ་ཉིད་ཀྱིས་སེམས་ཅན་དམྱལ་བ་ཆེན་པོ
172a5 པདྨ་ལྟར་གས་པ་ཆེན་པོར་སྐྱེས་སོ། ། དགེ་སློང་དག་དེ་ལྟ་བས་ན་དེའི་ཕྱིར་འདི་ལྟར་བསླབ་པར་བྱ་སྟེ། སྡོང་དུམ་ཚིག་པ་ལའང་ཞེ་སྡང་གི་སེམས་བསྐྱེད་པར་མི་བྱ་ན། རྣམ་པར་ཤེས་པའི
172a6 ལུས་ལྷ་ལ་སྨོས་ཀྱང་ཅི་དགོས་པ་དེ་ལྟར་དགེ་སྦྱོང་དག་ཁྱེད་ཀྱིས་བསྒྲུབ་པར་བྱའོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚོགས་སུ་བཅད་དེ་བཀའ་སྩལ་པ། མི་ཞིག་སྐྱེས་པར
172a7 འགྱུར་བ་ནི། ། གང་གིས་བདག་ནི་གཅོད་བྱེད་པའི།། ཁ་ནས་སྟ་རིའི་ཆོ་ག་འབྱུང་བ།། ཉེས་པར་སྨྲ་བ་སྨྲ་བ་ན།། གང་དག་སྤང་བྱ་སྟོང་བྱེད་ཅིང་།། སྐྱེ་བོ་སྟོང་པ་སྤོང་བྱེད་པའི།། སྡིག
iiif viewer powered by OpenSeadragon
