| e-texts navigator |
| Wylie |
171b1 བྱེ་བ་ཕྲག་ས་ཡ་བརྒྱད་དང་། བཞི་འབུམ་དང་། ལོ་བྱེ་བ་ཕྲག་ཁྲི་དྲུག་སྟོང་ལྔ་བརྒྱ་སུམ་ཅུ་ཡོད་དེ། བར་མ་དོར་འཆི་བ་ནི་ཡོད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད
171b2 དེ་བཀའ་སྩལ་པ། དགེ་སྦྱོང་བྲམ་ཟེ་དགེ་བ་དང་། དེ་བཞིན་དུ་ནི་ཕ་མ་ལ།། གང་ཞིག་རྟག་ཏུ་བརྡུང་བྱེད་པ།། དེ་ནི་ཚ་བར་སྐྱེ་བར་འགྱུར།། འདིར་ནི་གང་ཞིག་བཟུང་བ་ཡིས།། སྐྱེ་བོ་མང་པོ
171b3 བརྡུང་བྱེད་པ། ། ལས་དེ་དོག་གིས་ཚ་བ་ཡི།། དམྱལ་བ་རྣམས་སུ་སྐྱེ་བར་འགྱུར།། དགེ་སློང་དག་ཁྱེད་ཆུ་བུར་ཅན་དུ་སྐྱེས་པའི་སེམས་ཅན་རྣམས་ཀྱི་ཚེའི་མཐའ་ཉན་པར་འདོད་དམ།། བཅོམ
171b4 ལྡན་འདས་དེའི་དུས་ལ་བབ་ལགས་སོ། ། བདེ་བར་གཤེགས་པ་དེའི་དུས་ལ་བབ་ལགས་སོ།། བཅོམ་ལྡན་འདས་ལས་དགེ་སློང་དག་གིས་གང་ཆུ་བུར་ཅན་དུ་སྐྱེས་པའི་སེམས་ཅན་རྣམས་ཀྱི
171b5 ཚེའི་མཐའ་བསྟན་པ་ཐོས་ནས། དགེ་སློང་དག་འཛིན་པར་བགྱིད་ལགས་སོ།། དགེ་སློང་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ།། དགེ་སློང་དག་འདི་ལྟ་སྟེ།
171b6 འདི་ལ་ཏིལ་ཡུལ་ཀོ་ས་ལའི་ཁལ་བཅུ་ཚད་ཉི་ཤུ་ཤོང་བའི་ཁལ་བཅུ་ཚད་ཉི་ཤུ་པ་ཏིལ་གྱིས་བྱུར་བུར་གང་བར་གྱུར་པ་དེ་ལས་མི་ལ་ལ་ཞིག་གིས་ལོ་བརྒྱ་འདས་ཤིང་ཏིལ་འབྲུ་གཅིག་བོར་ན
171b7 ཏིལ་ཁལ་བཅུ་ཚད་ཉི་ཤུ་ཤོང་བའི་ཁལ་བཅུ་ཚད་ཉི་ཤུ་པ་དེ་ཐབས་འདི་མྱུར་དུ་ཡོངས་སུ་ཟད་ཅིང་གཏུགས་པར་གྱུར་ཀྱང་། དགེ་སློང་དག་ཆུ་བུར་ཅན་དུ་སྐྱེས་པའི་སེམས་ཅན་རྣམས་ཀྱི་ཚེ
iiif viewer powered by OpenSeadragon
