| e-texts navigator |
| Wylie |
171a1 དང་། བྱེ་བ་ཕྲག་ལྔ་འབུམ་ལྔ་ཁྲི་ཉིས་སྟོང་དྲུག་ཅུ་རྩ་དྲུག་ཡོད་དེ། བར་མ་དོར་འཆི་བ་ནི་ཡོད་དོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྤྲུལ་པ།
171a2 ལྟ་བའི་ཐིབས་པོས་ཁྱེབས་གྱུར་ཅིང་།། སད་པའི་གཡོགས་པས་གཡོགས་པ་དག། སྡིག་པའི་ཆོས་ནི་སྤྱོད་པ་ཡིས།། ངུ་འབོད་དག་ཏུ་སྐྱེ་བར་འགྱུར།། ཡིད་གཅུགས་ཉམས་པའི་མི་དག་ནི།།
171a3 བ་སྤུ་སློང་ཞིང་འབར་བ་ཡིས།། བསྐལ་པའི་ཁྱིམ་གྱི་ནང་ཆུད་ནས།། ངུ་འའོད་ཆེན་པོར་སྲེག་པར་འགྱུར།། གཏམས་པ་བརྣོགས་པའི་མི་དག་ནི།། རལ་གྲི་ཡིས་ནི་ལུས་བཏུབ་ཅིང་།། བྱ་རྒོད་བྱ་རོག
171a4 འུག་པ་ཁྱིས། ། འགུལ་ཞིང་དུ་ནི་ཟ་བར་འགྱུར།། དགེ་སློང་དག་མི་རྣམས་ཀྱི་ལོ་སྟོང་དྲུག་བརྒྱ་གང་ཡིན་པ་དེ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཉིན་ཞག་གཅིག་གོ། ཉིན་ཞག་དེ་སུམ་ཅུ
171a5 ལ་ཟླ་བ་གཅིག། ཟླ་བ་བཅུ་གཉིས་ལ་ལོ་གཅིག་སྟེ། གཞན་འཕྲུལ་དབང་བྱེད་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྷའི་ལོ་ཁྲི་དྲུག་སྟོང་ཡོད་དོ།། དེ་མིའི་ལྟར་བརྩིས་ན་ལོ་ས་ཡ་ཕྲག་དྲུག་དང་།
171a6 ལོ་བྱེ་བ་ཕྲག་དགུ་བརྒྱ་ཉི་ཤུ་རྩ་གཅིག་ཡོད་དེ། བར་མ་དོར་འཆི་བ་ནི་ཡོད་དོ།། དེ་ནི་སེམས་ཅན་དམྱལ་བ་ཆེན་པོ་ཚ་བའི་ཉི་མ་ནག་གཅིག་གོ། ཉི་མ་ནག་དེ་སུམ་ཅུ་ལ་ཟླ་བ་གཅིག། རྒྱུ
171a7 བ་བཅུ་གཉིས་ལ་ལོ་གཅིག་སྟེ། སེམས་ཅན་དམྱལ་བ་ཆེན་པོ་ཚ་བའི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལོ་ཁྲི་དྲུག་སྟོང་ཡོད་དོ།། དེ་མིའི་ལྟར་བརྩིས་ན་ལོ
iiif viewer powered by OpenSeadragon
