| e-texts navigator |
| Wylie |
168b1 གྱི་དུས་ཚིགས་བརྒྱ་རྣམས་སོ། ། དུས་ཚིགས་སུམ་བརྒྱར་འཚོ་བ་ནི། ཟླ་བ་བཅུ་གཉིས་ཕྲག་བརྒྱར་འཚོ་སྟེ། དགུན་བཞི་དང་། དཔྱིད་བཞི་དང་། དབྱར་བཞི་རྣམས་སོ།། ཟླ་བ་བཅུ་གཉིས
168b2 ཕྲག་བརྒྱར་འཚོ་བ་ནི། ཟླ་བ་ཕྱེད་ཉིས་སྟོང་བཞི་བརྒྱར་འཚོ་བ་སྟེ། དགུན་བརྒྱད་དང་། དཔྱིད་བརྒྱད་དང་། དབྱར་བརྒྱད་རྣམས་སོ།། ཟླ་བ་ཕྱེད་ཉིས་སྟོང་བཞི་བརྒྱར་འཚོ་བ་ནི། ཉིན་ཞག་སུམ
168b3 ཁྲི་དྲུག་སྟོང་དུ་འཚོ་སྟེ། དགུན་བཅུ་གཉིས་དང་། དཔྱིད་བཅུ་གཉིས་དང་། དབྱར་བཅུ་གཉིས་རྣམས་སོ།། ཉིན་ཞག་སུམ་ཁྲི་དྲུག་སྟོང་དུ་འཚོ་བ་ནི། བར་ཆད་དུ་འགྱུར་བ་མ་གཏོགས་པར་ཟན་བདུན
168b4 ཁྲི་ཉིས་སྟོང་ཟའོ། ། དེ་ལ་འདི་དག་ནི་ཟན་བར་ཆད་དུ་འགྱུར་པ་ཡིན་ཏེ། འཁྲུགས་ནས་མ་ཟོས་པ་དང་། སྡུག་བསྔལ་བར་གྱུར་པས་མ་ཟོས་པ་དང་། འཕོངས་པ་བྱུང་ནས་མ་ཟོས་པ་དང་། སྨྱུང
168b5 བ་བྱས་ཏེ་མ་ཟོས་པ་དང་། མ་རྙེད་པས་མ་ཟོས་པ་དང་། རྙེད་ཀྱང་མ་ཟོས་པ་དང་། གཉིད་ལོག་ནས་མ་ཟོས་པ་དང་། ར་རོ་སྟེ་མ་ཟོས་པ་དང་། རབ་ཏུ་མྱོས་པས་མ་ཟོས་པ་སྟེ། ཟོས་པ་གང་ཡིན་པ
168b6 དང་། མ་ཟོས་པ་གང་ཡིན་པ་དེ་དག་གཅིག་ཏུ་བསྡོམས་ན། མའི་མུ་ནོ་འཐུང་བ་མ་གཏོགས་པར་བདུན་ཁྲི་ཉིས་སྟོང་དུ་འགྱུར་རོ།། དགེ་སློང་དག་དེ་ལྟར་ངས་འཛམ་བུ་གླིང་གི་མི་རྣམས་ཀྱི་ཚེའང་བཤད།།
168b7 དུས་ཚིགས་དང་། ཟླ་བ་དང་། ཟླ་བ་ཕྱེད་དང་། ཉིན་ཞག་དང་། ཟན་དང་། ཟན་པར་ཆད་དུ་གྱུར་པའང་བཤད་པ་ཡིན་ནོ།། དགེ་སློང་དག་མི་རྣམས་ཀྱི་ལོ་ལྔ་བཅུ་གང་ཡིན་པ་དེ་ནི། རྒྱལ་ཆེན་བཞིའི
iiif viewer powered by OpenSeadragon
