| e-texts navigator |
| Wylie |
167b1 དག་ནི་སྔོན་པོ་ལ། ། ཤིང་བལ་ལྟ་བུར་རབ་འཇམ་པ།། གང་དུ་དེ་དག་རྟག་རྩེ་བ།། དེ་ནི་སྔོན་བྱིན་འབྲས་བུ་ཡིན།། དེ་དག་ལ་ནི་ཁྲོ་མེད་ཅིང་།། སེར་སྣ་དང་ནི་ཕྲག་དོག་མེད།། ཕན་ཚུན་དག་ཏུ་རྩེ་བྱེད
167b2 པ། དེ་ནི་སྔོན་བྱིན་འབྲས་བུ་ཡིན།། མཚན་མོ་ཐུན་ཆོད་དང་པོ་ལ།། སྐད་ཅིག་ཙམ་ཞིག་ཆར་འབབ་ཅིང་།། རྡུལ་རྣམས་མེད་པར་བྱེད་པ་སྟེ།། དེ་ནི་སྔོན་བྱིན་འབྲས་བུ་ཡིན།། དེ་དག་ཡོངས་སུ
167b3 འཛིན་མེད་པས། ། མ་དང་བུར་ཡང་མི་ཤེས་ཤིང་།། སྡུག་བསྔལ་བསམ་པས་མྱ་ངན་མེད།། དེ་ནི་སྔོན་བྱིན་འབྲས་བུ་ཡིན།། མདག་གིས་ཀྱང་རང་གི་བུ།། ལམ་སྟོང་དག་ཏུ་བོར་ཏེ་འགྲོ།། མཐེ་བོ
167b4 ལས་ནི་འོ་མ་འཛག། དེ་ནི་སྔོན་སྦྱིན་འབྲས་བུ་ཡིན།། དེ་དག་གང་ཡང་ངུ་བ་མེད།། ཤི་ན་ཡང་ནི་བོར་ཏེ་འགྲོ།། བྱ་དག་གིས་ནི་གླིང་བ་ཕྱགས་པ།། དེ་ནི་སྔོན་བྱིན་འབྲས་བུ་ཡིན།། ཁོར་ཡུག
167b5 དག་ནི་འོབས་ཀྱིས་བསྐོར། ། གླུ་གར་ཡིད་དུ་འོང་བ་ཡིས།། གང་དུ་རྩེ་ཞིང་དགའ་བྱེད་པ།། དེ་ནི་སྔོན་བྱིན་འབྲས་བུ་ཡིན།། མི་ཡི་ཚེ་ནི་ལོ་སྟོང་པོ།། ཟད་པ་དག་ཏུ་བྱས་ནས་ནི།། བར་མ་དོར
167b6 ནི་འཆི་བ་མེད། ། དེ་ནི་སྔོན་བྱིན་འབྲས་བུ་ཡིན།། དཔལ་ནི་རྒྱས་པར་སྤྱད་ནས་སུ།། མི་ཡི་ལུས་ནི་བོར་ནས་ཀྱང་།། ལྷ་ཡི་ནང་དུ་སྐྱེ་བར་འགྱུར།། དེ་ནི་སྔོན་སྦྱིན་འབྲས་བུ་ཡིན།། དགེ་སློང
167b7 དག་འཛམ་བུ་གླིང་གི་མི་རྣམས་ལ་ནི་ཡར་འཕེལ་བ་དང་། མར་འགྲིབ་པ་ཡོད་དེ། དགེ་སློང་དག་འཛམ་བུ་གླིང་ཀི་མི་རྣམས་ཀྱི་ཚེ་དཔག་ཏུ་མེད་པར་ཡང་འགྱུར། ཚེ་ལོ་བརྒྱད་ཁྲི་པ་དང
iiif viewer powered by OpenSeadragon
