| e-texts navigator |
| Wylie |
167a1 ཚ་བ་མེད། ། དེ་དག་ལ་ནི་ནད་མེད་ཅིང་།། གཟུགས་དང་ཁ་དོག་ཕུན་སུམ་ཚོགས།། དེ་ནི་སྔོན་བྱིན་འབྲས་བུ་ཡིན།། བྱང་ཕྱོགས་གླིང་ན་མ་ཉམས་ཤིང་།། མ་གྲུགས་དག་ཅིང
167a2 གཙང་བ་དང་། ཤིན་ཏུ་དཀར་བའི་སཱ་ལུ་སྐྱེ།། དེ་ནི་སྔོན་བྱིན་འབྲས་བུ་ཡིན།། ནོར་བུ་འོད་བྱེད་འབར་བ་ཡིས།། དེ་རྣམས་རྟག་ཏུ་མཛེས་པ་དང་།། དེ་དག་གི་ཟས་འཇུ་བྱེད་གང་།། དེ་ནི་སྔོན
167a3 བྱིན་འབྲས་བུ་ཡིན། ། དེ་དག་ལ་ནི་ཚོད་མ་དང་།། སྲན་ཆོད་ཀྱང་ནི་ཅུང་ཟད་མེད།། ཁ་དོག་དང་རོར་ལྡན་པ་ཡི།། སཱ་ལུ་དག་ནི་རྟག་ཏུ་ཟ།། ཟས་ནི་ལན་ཅིག་བྱིན་པ་ཡིས།། སྟན་ལས་མ་ལངས
167a4 བར་དུ་ནི། ། ཟད་མི་ཤེས་པར་སྡེར་ལ་ཡོད།། དེ་ནི་སྔོན་བྱིན་འབྲས་བུ་ཡིན།། ཀུ་བའི་འབྲས་བུ་འདྲ་བ་དང་།། བཅད་ཀྱང་ཡལ་ག་ལས་སྐྱེས་ཏེ།། བརྡས་ན་བཙོ་མི་དགོས་པར་ཟ།། དེ་ནི་སྔོན་བྱིན
167a5 འབྲས་བུ་ཡིན། ། དེ་དག་འ་བབ་རླུ་བསིལ་བ་དང་།། བཐུངས་ཀྱང་ལྟོ་ལ་མི་གནོད་པའི།། ཡན་ལག་བརྒྱད་ལྡན་ཆུ་ལ་ཡོད།། དེ་ནི་སྔོན་བྱིན་འབྲས་བུ་ཡིན།། རོལ་མོའི་ལྗོན་ཤིང་གང་དག་གིས།།
167a6 དེ་དག་རྟག་ཏུ་རྩེ་ཞིང་དགའ།། ཡིད་ནི་རྟག་ཏུ་བདེ་དང་ལྡན།། དེ་ནི་སྔོན་བྱིན་འབྲས་བུ་ཡིན།། དེ་དག་རོལ་མོའི་ལྗོན་ཤིང་བཟང་།། གོས་ཀྱི་ལྗོན་ཤིང་མང་པོ་དང་།། སྤོས་ཀྱི་ལྗོན་ཤིང་ཕུན་སུམ
167a7 ཚོགས། ། དེ་ནི་སྔོན་བྱིན་འབྲས་བུ་ཡིན།། སྤོས་དང་མེ་ཏོག་རོལ་མོ་དང་།། དེ་བཞིན་དུ་ནི་གོས་རྣམས་ཀྱང་།། གང་དག་ཇི་ལྟར་འདོད་པ་བཞིན།། དེ་དག་དེ་བཞིན་འབྱུང་བར་འགྱུར།། ནེའུ་གསིང
iiif viewer powered by OpenSeadragon
