| e-texts navigator |
| Wylie |
134b1 བྱའོ། ། བསམ་པས་བརྟེན་པར་བྱའོ།། བསྒོམ་པར་བྱ་བ་དང་། མང་དུ་བྱེད་པ་དང་། ཞི་བར་བྱེད་པ་དང་། གཞིར་བྱེད་པ་དང་། རྗེས་སུ་གནས་པར་བྱེད་པ་དང་། འཇིས་པར་བྱ་བ་དང
134b2 ཤིན་ཏུ་བརྩོན་པར་བྱའོ། ། བཅུ་གཅིག་པོ་རྣམས་ཀྱི་ཕན་ཡོན་རྣམས་སོ་སོར་བཤད་ཟིན་ཏོ།། དགེ་སློང་དག་གཞན་ཡང་བྱམས་པའི་ཕན་ཡོན་རྣམས་བཤད་པར་བྱའོ།། ཁ་ཟས་དུ་མ་ཐོབ་པ
134b3 དང་། རང་གི་ཡུལ་དུ་ཉེ་བར་གནས།། མང་པོ་རྣམས་ནི་འཚོ་བ་ནི།། གང་གིས་བྱམས་པ་མ་སྤངས་ནའོ།། གྲོང་རྡལ་གང་གང་འགྲོ་བ་དང་།། གྲོང་ཁྱེར་རྒྱལ་པོའི་ཕོ་བྲང་དང་།། ཐམས་ཅད
134b4 དུ་ནི་མཆོད་པར་འགྱུར། ། གང་གིས་བྱམས་པ་མ་སྤངས་ན།། དེ་ལ་ཆོམ་རྐུན་མི་འབྱུང་ཞིང་།། དེ་ལ་རྒྱལ་པོ་གནོད་མི་བྱེད།། སེམས་ཅན་ཐམས་ཅད་བཤེས་སུ་འགྱུར།། གང་གིས་བྱམས་པ
134b5 མ་སྤངས་ནའོ། ། ཁྲོ་མེད་རང་ཡུལ་བདེ་བར་གནས།། སྐྱེ་བོའི་མདུན་སར་སྨོད་མེད་དགའ།། མཆོག་གི་གཉེན་དང་ལྡན་པར་འགྱུར།། གང་གིས་བྱམས་པ་མ་སྤངས་ནའོ།། མཆོད་ན་མཆོད་པ
134b6 ཐོབ་པར་འགྱུར། ། འདུད་ན་སོ་སོར་འདུད་པར་བྱེད།། སྙན་དང་གྲགས་པ་ཐོབ་པར་འགྱུར།། གང་གིས་བྱམས་པ་མ་སྤངས་ནའོ།། བཀུར་སྟི་བྱས་ན་བཀུར་སྟི་ཐོབ།། གུས་པར་བྱས་ན་གུས་པ
134b7 ཐོབ། ། ཁ་དོག་གཟི་བརྗིད་ལྡན་པར་འགྱུར།། གང་གིས་བྱམས་པ་མ་སྤངས་ནའོ།། མེ་ལྟར་རབ་ཏུ་འབར་བ་ཡི།། ལྷ་ཡི་ལུས་དང་འདྲ་བར་འགྱུར།། དཔལ་དང་བྲལ་བར་མི་འགྱུར་རོ།།
iiif viewer powered by OpenSeadragon
