| e-texts navigator |
| Wylie |
132b1 ། ལྔའོ།། མགུལ་པ་ལ་ཁྲུ་ལྔའོ།། ཕྱག་གཉིས་ཀྱི་རིང་དུ་ཁྲུ་བཞི་བཅུ་རྩ་བཞི་རྩ་བཞི་པ་ཡིན་ནོ།། དེ་ནི་འདི་བཞིན་དུ་དཔེ་མེད་པའི་སངས་རྒྱས་ཀྱི་དཔལ་མཐའ་ཡས་པའི་སངས་རྒྱས་ཀྱི་རོལ་པའོ།།
132b2 སྟོང་ཕྲག་བཅུའི་འཇིག་རྟེན་གྱི་ཁོར་ཡུག་ཐམས་ཅད་ཀྱི་ལྷ་རྣམས་དང་། དེའི་རྗེས་སུ་མི་རྣམས་ཀྱི་ནང་དུ་གནས་ནས་ཆོས་ཀྱི་འཁོར་ལོ་བསྐོར་རོ།། ཆོས་སྟོན་པའི་གནས་དང་། བྱེ་བ་འདུམ་ཕྲག
132b3 གཅིག་གི་ལྷ་དང་མིའི་འཆིང་བ་གྲོལ་བ་དང་། ཆོས་ཀྱི་དང་པོ་ཐོབ་པ་དང་། ཆོས་ཀྱི་དང་པོ་མ་ཐོབ་པ་རྣམས་མཐོ་རིས་སྐྱེ་བར་འགྱུར་རོ།། དེ་ལྟར་མཆོག་དང་ལྡན་པའི་བྱམས་པ་སུ་ཞིག་གིས་མི
132b4 མཐོང་། ད་ནི་མ་བསད་པ་དང་། པ་བསད་པ་དང་། དགེ་སློང་མ་སུན་ཕྱུང་བ་དང་། དགེ་འདུན་གྱི་དབྱེན་བྱས་པ་དང་། མཚམས་མེད་པ་ལྔའི་ལས་བྱས་པ་དང་། མཆོད་རྟེན་བཤིག་པ་དང
132b5 བྱང་ཆུབ་ཀྱི་ཤིང་བཅད་པ་དང་། བྱང་ཆུབ་སེམས་དཔའ་བསད་པ་དང་། དགེ་འདུན་གྱི་ཁ་ཟས་བརླག་པར་བྱས་པ་དང་། ཤིན་ཏུ་སེར་སྣ་ཆེ་བ་དང་། ལོག་པར་ལྟ་བར་ངེས་པ་དང་། འཕགས
132b6 པའི་གང་ཟག་ལ་སྐུར་པ་འདེབས་པ་དང་། གཅེར་བུ་པའི་རིགས་ཏེ། དེ་རྣམས་ཀྱིས་མི་མཐོང་ངོ་།། ཚིགས་བཅད་སྟོང་ཕྲག་གཅིག་གིས་སོ་སོར་བརྒྱན་པ་འདི་ཐམས་ཅད་སྒྲོལ་གྱི་སྐྱེས་རབས
132b7 ཆེན་པོ་ཉི་མ་གཅིག་ལ་སྐྱེ་བོ་རྣམས་ཀྱིས་བཤད་པ་དང་། མཉན་པ་དང་། མར་མེ་སྟོང་ཕྲག་གཅིག་གམ། སྟོང་ཕྲག་གཅིག་གི་མེ་ཏོག་ཕལ་པ་འམ། སྟོང་ཕྲག་གཅིག་གི་ཨུཏྤལ་སྔོན་པོ
iiif viewer powered by OpenSeadragon
