| e-texts navigator |
| Wylie |
99b1 ལྷ་ཁྱོ་ཤུག་དང་ཁྱིམ་བདག་ཁྱོ་ཤུག་གཉིས་ཀྱིས་བཅོམ་ལྡན་འདས་ལས་ཆོས་ཐོས་ནས། བསྐལ་པ་ཁྲི་ཕྲག་ཉི་ཤུའི་སྡིག་པ་མི་དགེ་བ་ཤིན་ཏུ་འབར་བ་ཀུན་ཞི་ནས་སེམས་རྣམ
99b2 པར་དག་པས་ཆོས་རྟོགས་ཏེ། རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ།། དེ་ནས་བཅོམ་ལྡན་འདས་སླར་གཙུག་ལག་ཁང་དུ་གཤེགས་པ་དང་། གསེར་ལྷ་དང་གསེར་ལོ།
99b3 ཁྱོ་ཤུག་གཉིས་ཀྱང་ཕ་མ་ལ་རབ་ཏུ་འབྱུང་བར་གསོལ་ནས། ཕ་མས་ཀྱང་གནང་སྟེ། གཉིས་ཀ་སངས་རྒྱས་གང་ན་བ་དེར་དོང་སྟེ་དེར་ཕྱིན་པ་དང་། སངས་རྒྱས་ཀྱི་ཞབས་ལ
99b4 སྤྱི་བོས་ཕྱག་འཚལ་ནས་བདག་ཅག་གཉིས་རབ་ཏུ་འབྱུང་ངོ་ཞེས་གསོལ་བ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ
99b5 ངུར་སྨྲིག་གྱོན་པའི་དགེ་སློང་དུ་གྱུར་ནས། གསེར་ལྷ་ནི་དགེ་སློང་གི་དགེ་འདུན་གྱི་ནང་དུ་སོང་ངོ་།། གསེར་འོད་ནི་སྐྱེ་དགུའི་བདག་མོ་ལ་གཏད་དོ།། གཉིས་ཀ་རིང་པོ་མ་ལེན་པར
99b6 དགྲ་བཅོམ་ནས་རིག་པ་གསུམ་དང་། མངོན་པར་ཤེས་པ་དྲུག་དང་། རྣམ་པར་ཐར་པ་བརྒྱད་ལ་སོགས་ཏེ། ཡོན་ཏན་ཐམས་ཅད་དང་ལྡན་པར་གྱུར་ཏོ།། དགེ
99b7 སློང་དག་ཐེ་ཚོམ་དུ་གྱུར་ནས། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དགེ་སློང་གསེར་ལྷ་དང་། གསེར་འོང
iiif viewer powered by OpenSeadragon
