| e-texts navigator |
| Wylie |
99a1 བ་མཛེས་པ་ཕལ་བས་ལྷག་པ་ཞིག་བཙལ་བར་བསམས་ཏེ། ཡུལ་ཀུན་ཏུ་མནའ་མ་འཚོལ་ལོ།། དེའི་ཚེ་ཡུལ་ཙམ་པ་ན་ཁྱིམ་བདག་རབ་ཏུ་ཕྱུག་པ་ཞིག
99a2 ལ་བུ་མོ་གསེར་གྱི་འོད་ཅེས་བྱ་བ་ཞིག་ཡོད་དེ། བུ་མོ་དེ་ཡང་གསེར་གྱི་མདོག་ཅན་ཤིན་ཏུ་འཚེར་བ། པགས་པ་ཤིན་ཏུ་སྲབ་པ། རུས་པ་ཕྲ་བ་ཞིག་སྟེ། ཐོག་མ་བཙས་པའི
99a3 ཆེཚེ་ཡང་ཁྱིམ་ནས་ཁྲོན་པ་ཆུ་ཞེང་དང་གཏིང་འདྲ་བར་ཁྲུ་བརྒྱད་པ་གཅིག་རང་བྱུང་སྟེ། ཁྲོན་པ་དེ་ལས་ཀྱང་རིན་པོ་ཆེ་སྣ་ཚོགས་དང་། གོས་དང་། བཟའ་བ་དང་། བཏུང་བ་ལ་སོགས
99a4 པ་ཅི་དང་ཅི་འདོད་པ་དེ་དག་ཡིད་བཞིན་དུ་རང་བྱུང་ངོ་། ། ཁྱིམ་བདག་དེས་ཀྱང་འདི་སྙམ་དུ་བདག་གི་བུ་མོ་བཟང་མོ་འདི་ནི། བུ་མོ་འདི་དང་འདྲ་བར་ལུས་གསེར་གྱི་མདོག་ཅན། ཤིན
99a5 ཏུ་འཚེར་བ་བཟང་བ་མཛེས་པ་གཅིག་ལ་བཏང་ངོ་སྙམ་བསམས་པ་གཅིག་དང་ཕྲད་དེ། བུ་མོའི་གཏམ་ཡང་ཁྱེའུས་ཐོས། ཁྱེའུའི་གཏམ་ཡང་བུ་མོས་ཐོས་ནས། ཁྱིམ་བདག་གཉིས
99a6 གཉེན་བྱ་བར་འཐམས་ཏེ། སྟོན་མོ་བྱ་བར་འཐམས་ནས། བུ་མོ་མཉན་ཡོད་དུ་ཁྲིད་དདེ། མཉན་ཡོད་དུ་གསེར་ལྷའི་ཁྱིམ་དུ་ཕྱིན་ནས། གསེར་ལྷས་སངས་རྒྱས་དང་དགེ་འདུན
99a7 རྣམས་བཤོས་ལ་སྤྱན་དྲངས་ཏེ། བཅོམ་ལྡན་འདས་ཀྱང་དགེ་འདུན་དང་བཅས་ཏེ་བཤོས་ལ་གཤེགས་ནས། གསེར་ལྷ་ཁྱོ་ཤུག་གཉིས་ལ་དམ་པའི་ཆོས་རྒྱས་པར་བསྟན་ཏེ། གསེར
iiif viewer powered by OpenSeadragon
