| e-texts navigator |
| Wylie |
98a1 སྨྲས་ནས། ཤཱ་རིའི་བུས་ལྷའི་མིག་གིས་བལྟས་ན། ཇི་ལྟར་ལྷར་སྐྱེས་པ་མཐོང་བར་བྱས་སོ།། དེ་ནས་ལྷའི་སྲས་མོ་ལྔ་བརྒྱ་ཙམ་དང་དུར་ཁྲོད་དུ་ལྷགས་ཏེ་རུས
98a2 བུ་ལ་ལྷའི་མེ་ཏོག་གིས་གཏོར། སྤོས་ཀྱིས་མཆོད་པ་བྱས་སོ།། ལྷའི་འོད་ཀྱིས་གྲོང་ཁྱེར་དེ་དག་སྣང་བ་ཆེན་པོས་སྣང་བར་གྱུར་ནས། དེའི་ཇོ་མོ་ལ་སོགས་པ་ཡ་མཚན་དུ་གྱུར་ཏེ། མི་མང
98a3 པོ་དང་ལྟར་དོང་བ་ལས། ལྷ་མང་པོ་རྒན་མོའི་རུས་བུ་ལ་མཆོད་པ་བྱེད་པ་མཐོང་ནས། ལྷ་རྣམས་ལ་ཁྱེད་ཅིའི་ཕྱིར་རུས་བུ་འདི་ལ་མཆོད་པ་བྱེད། འདི་ནི་གསོན་པོའི་ཚེ་ཡང་བཙོག་པས་ཀུན
98a4 གྱིས་མི་འདོད་ན། དེ་ཚེ་འཕོས་པའི་རུས་བུ་ལ་ལྟ་ཅི་སྨོས་ཞེས་སྨྲས་སོ།། དེའི་ཚེ་ན་ལྷའི་སྲས་པོ་རྣམས་ཀྱིས་ཇི་ལྟར་ལྷར་སྐྱེས་པའི་གཏམ་རྒྱས་པར་བྱས་ནས། ཀ་ཏྱ་ཡ་ན་གང་ན
98a5 བ་དེར་སོང་སྟེ་དེར་ཕྱིན་པ་དང་། ཀ་ཏྱ་ཡ་ནས་ལྷའི་སྲས་པོ་དེ་དག་ལ། སྦྱིན་པ་དང་། ཚུལ་ཁྲིམས་དང་། མཐོ་རིས་སུ་སྐྱེ་བ་ལ་སོགས་ཏེ། དམ་པའི་ཆོས་ཀྱི་གཏམ་རྒྱས་པར་བྱས།།
98a6 མི་གཙང་བའི་ཆོས་དང་འབྱུང་བའི་ཆོས་བསྟན་པས། ལྷའི་སྲས་པོ་དེ་དག་རྡུལ་དང་བྲལ་དྲི་མ་དང་བྲལ་ཏེ། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས་ཕྱིར་ལྷའི་གནས་སུ་དོང་ངོ་།། །
98a7 འཁོར་མང་པོ་རྣམས་ཀྱང་ཆོས་བསྟན་པ་ཐོས་ནས། སོ་སོ་ནས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབ་པར་གྱུར་ཏེ། རྗེས་སུ་ཡི་རངས་ནས་མངོན་པར་དགའ་འོ།། བྲན་མོ
iiif viewer powered by OpenSeadragon
