| e-texts navigator |
| Wylie |
97b1 ལས་བྱེད་པའི་གནས་ཉིད་ན་ཉལ་ལོ། ། བར་འགའ་ནི་ལུད་ཕུང་གི་སྟེང་ནའང་ཉལ་ལོ།། ཀ་ཏྱཱ་ཡ་ནས་སྨྲས་པ། ཁྱོད་ངན་ལས་བྱེད་པ་ལ་འགྱོད་པ་དང་མི་དགའ་བར་མ་བྱེད་པར་བརྩོན
97b2 འགྲུས་སུ་ལས་བྱོས་ལ། ཇོ་མོ་བསྙལ་བའི་འོག་ཏུ་དལ་གྱིས་ཇོ་མོའི་སྒོ་ཕྱེ་སྟེ།། སྒོ་ཕག་གམ་གྲ་ཞིག་ཏུ་རྩཝ་གཙང་མ་བཏིང་བ་ལ་འདུག་ནས་གཞན་མ་སེམས་པར་སངས་རྒྱས་ཡིད་ལ་བྱོས་ལ
97b3 དྲན་པར་གྱིས་ཤིག། དེ་ནས་རྒན་མོས་བསྟན་པ་བཞིན་དུ་བྱས་ནས། རིང་པོ་མ་ལོན་པར་མཚན་མོ་འདུག་བཞིན་ཚེ་འཕོས་ནས་སུམ་ཅུ་རྩ་གསུམ་གྱི་ལྷར་སྐྱེས་སོ།། དེའི་ཇོ་མོ་ནང་པར
97b4 སྔར་ལངས་ནས། ཁྱིམ་གྱི་ནང་ན་བྲན་མོ་ཚེ་འཕོས་པར་མངོན་ནས་ཁྲོས་ཏེ། རྒན་མོ་འདི་ཁྱིམ་ནང་དུ་མ་བཏང་ན་ཅིའི་ཕྱིར་འདིར་ཚེ་འཕོས་ཞེས་གཤེ་ནས། རྐང་པ་ལ་རྩ་ཐག་གིས་བཏག
97b5 ཏེ་བཤལ་ནས་དུར་ཁྲོད་དུ་བསྐྱལ་ལོ། ། དེའི་ཚེ་ན་ལྷའི་སྲས་པོ་ཞིག་ལ་ལྷའི་བུ་མོ་ལྔ་བརྒྱས་བསྐོར་ཏེ་རྩེ་དགའ་བ་ལས་ཚེ་འདས་ནས། རྒན་མོ་དེ་ལྷའི་སྲས་མོའི་ནང་དུ་སྐྱེས་སོ།། ལྷར
97b6 སྐྱེ་བ་དག་དབང་པོ་རྣོན་པོས་ནི། བདག་ཅིའི་རྐྱེན་གྱིས་ལྷར་སྐྱེས་པར་ཤེས་སོ།། དབང་པོ་བརྟུལ་པོས་ནི་མི་ཤེས་ཏེ། རྒན་མོ་དེ་ཡང་ཅིའི་ཕྱིར་ལྷར་སྐྱེས་པ་ནི་མི་སེམས་ཀྱིས། བདེ་བ
97b7 འབའ་ཞིག་ལ་ཆགས་སོ། ། དེའི་ཚེ་ན་ཤཱ་རིའི་བུ་སུམ་ཅུ་རྩ་གསུམ་གནས་ན་འདུག་པ་དེས། ཁྱོད་ཅིའི་རྐྱེན་གྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་གིས་མི་ཤེས་སོ་ཞེས
iiif viewer powered by OpenSeadragon
