| e-texts navigator |
| Wylie |
95b1 སྨྲས་པ་འདི་ལ་ནི་སྦྱིན་པར་འོས་ན། བདག་ཅག་དབུལ་འཕོངས་ཏེ་ཅི་ཡང་མེད་ན་ཅི་ཞིག་སྦྱིན་པར་བྱ། ཆུང་མས་སྨྲས་པ། ཚེ་སྔ་མ་ལ་ཡང་སྦྱིན་པ་མ་བྱས་པས། འདི་ལྟར
95b2 དབུལ་བར་གྱུར་ན། ད་ཡང་སྦྱིན་པ་མ་བྱས་ན་ཚེ་ཕྱི་མ་ལ་གར་འགྲོ་སྟེ། བདག་ནི་སྦྱིན་པ་ཞིག་བྱེད་ཀྱིས་ཁྱོད་ཀྱིས་གནོང་ཞིག། ཁྱོས་བསམས་པ་འདི་ལ་ནི་ནོར་ཁུང་པ་ཞིག་ཡོད་པ་གང
95b3 སྟེ། སྦྱིན་པ་གྱིས་ཤིག་ཅེས་སྨྲས་པ་དང་། ཆུང་མས་བདག་གི་རས་འདི་སྦྱིན་པར་དགའ་བོ་ཞེས་སྨྲས་སོ།། ཁྱོས་སྨྲས་པ། བདག་ཅག་ཁྱོ་ཤུག་གཉིས་ལ་རས་འདི་ལས་མེད་དེ
95b4 འདིས་དོན་གཉེར་ཞིང་འཚོ་བར་ཟད་ན། ད་སྦྱིན་པར་བྱས་ན་གཉིས་ཀ་སྡོད་དམ། ཆུང་མས་སྨྲས་པ། མི་གཅིག་སྐྱེས་པ་ཚེ་འཕོ་བ་ཡོད་པས་འདི་མ་བྱིན་ཡང་ཚེ་འཕོ་ལ། བྱིན
95b5 ཡང་ཚེ་འཕོ་བས་ཉིས་ན་སྦྱིན་པ་བྱས་ཏེ་ཚེ་འཕོས་ན། ཚེ་ཕྱི་མ་ལ་རེ་བ་ཡོད་པས་སྦྱིན་པ་བྱས་ན་ཚེ་འཕོས་ཀྱང་བླའོ།། ཁྱོ་ཡང་དགའ་བཞིན་དུ་སྦྱིན་པ་གྱིས་ཤིག་ཅེས་བསྒོ་ནས
95b6 ཆུང་མ་ཕྱི་རོལ་ཏུ་སོང་སྟེ། དགེ་སློང་ལ་འདི་སྐད་ཅེས་སྨྲས་སོ།། བཙུན་པ་ཅུང་ཟད་མོ་གཟིགས་ཤིག། བདག་སྦྱིན་པ་བགྱིའོ་ཞེས་སྨྲས་པ་དང་། དགེ་སློང་གིས་ཁྱོད་སྦྱིན་པ་བྱེད་ན་མངོན
95b7 སུམ་དུ་ལག་གིས་བྱིན་ཅིག། སྦྱིན་པའི་ཚིགས་བཅད་བྱའོ་ཞེས་བསྒོའོ།། བུད་མེད་དེས་སྨྲས་པ། ལུས་ལ་རས་འདི་ལས་མེད་དོ།། འོག་ན་གོས་གཞན་མེད་ན་བུད་མེད་ཀྱི་ལུས
iiif viewer powered by OpenSeadragon
