| e-texts navigator |
| Wylie |
95a1 དོན་དུ་ཡུལ་མི་ཐམས་ཅད་སངས་རྒྱས་ལ་ཆོས་ཉན་པ་དང་སྦྱིན་པ་བྱེད་པར་བསྐུལ་ལོ། ། དེའི་ཚེ་ན་བུད་མེད་འདའ་ནི་ཀ་ཞེས་བྱ་བ་རབ་ཏུ་དབུལ་ཕོངས་པ་ཞིག་སྟེ།
95a2 ཁྱོ་ཤུག་གཉིས་ལ་གོས་སུ་རས་ཡུག་གཅིག་ལས་མི་བདོག་སྟེ། ཁྱོ་དོན་གཉེར་དུ་འགྲོ་ན་རས་ཁྱོ་གྱོན་ཏེ། ཆུང་མ་སྒྲེན་མོར་རྩའི་སྟེང་ན་འདུག་གོ། ཆུང་མངོན་གཉེར་ན་རས་ཆུང་མས
95a3 གྱོན་ཏེ། ཁྱོ་རྩཝ་ཕུང་གི་ནང་ན་སྒྲེན་མོར་འདུག་གོ།། ཕྱིས་ཀུན་གྱི་དོན་བྱེད་པའི་དགེ་སློང་དེ། དེའི་སྒོར་འོངས་ནས་བུད་མེད་དེ་དང་ཕྲད་དེ། བུད་མེད་དེ་ལ་ཁྱོད་སངས་རྒྱས་ལ་ཕྱག
95a4 འཚལ་དུ་སོང་ཞིག། ཡོན་ཕུལ་ཅིག། ཅེས་སྦྱིན་པའི་ཡོན་ཏན་བསྔགས་ཏེ། སེར་སྣ་བྱེད་པའི་རྣམ་པར་སྨིན་པ་བསྟན་ནས། སངས་རྒྱས་འཇིག་རྟེན་དུ་འབྱུང་བར་དཀའ་བ་དང་།
95a5 ཆོས་ཐོས་པར་དཀའ་བ་དང་། མི་ལུས་ཐོབ་པར་དཀའ་ཞེས་པའི་གཏམ་རྒྱས་པར་བྱས་ནས་ཆོས་ཉན་དུ་སང་ཞིག་ཅེས་བསྐུལ་བ་དང་། བུད་མེད་དེས་སྨྲས་པ། བཙུན་པ་ཅུང་ཟད་བཞུག
95a6 ཤིག་བདག་སླར་མཆིའོ་ཞེས་སྨྲས་ནས། ཁང་པའི་ནང་དུ་སོང་སྟེ། ཁྱོ་ལ་འདི་སྐད་ཅེས་སྨྲས་སོ།། སྒོ་ན་དགེ་སློང་ཞིག་ཁྱོད་སངས་རྒྱས་ལ་ཕྱག་འཚལ་དུ་སོང་ཞིག། ཆོས་ཉོན་ཅིག།
95a7 སྦྱིན་བགྱིས་ཤིག་ཅེས་མཆིའོ།། བདག་ཅག་ཆེ་སྔ་མ་ལ་སྦྱིན་པ་མ་བྱས་པས་འདི་ལྟར་དབུལ་འཕོངས་པར་གྱུར་ཏོ།། ད་ཡང་ཅི་ཞིག་གིས་ཚེ་ཕྱི་མའི་ཚོགས་སུ་འགྱུར་བར་བྱ། ཁྱོས
iiif viewer powered by OpenSeadragon
