| e-texts navigator |
| Wylie |
92b1 ན་ཁྱིམ་བདག་དེ་ལ་བུ་ཁྱེའུ་འགྲོ་མི་ནུས་པ་གོག་ཙམ་ཞིག་ཡོད་དེ། ཁྱིམ་བདག་གི་ཆུང་མས། ཁྱིམ་བདག་ལ་འདི་སྐད་ཅེས་སྨྲས་སོ།། བདག་ནི་ཁྱོད་དང་ཁྱོ་ཤུག་ཏུ་གྱུར་པས
92b2 སྲོག་ལ་བབ་པ་ཞིག་སྨྲས་ན་ཡང་མི་བཟློགས་སུ་རེ་ན། འདི་ལྟ་བུའི་དོན་ཆུང་ངུ་གཅིག་ལ་ཡང་ཚིག་བརྟུལ་ཏེ་ངོ་ཟློག་ན། བདག་གསོན་ཏེ་ཡང་ཅི་རུང་། བདག་གི་གསོལ་བ་བཞིན་དུ།
92b3 མ་གྱུར་ན། བུ་ཡང་བསད་ལ་དེའི་འོག་ཏུ་བདག་ཀྱང་འཆིའོ།། ཁྱིམ་བདག་གིས་དེ་སྐད་ཅེས་སྨྲས་པ་ཐོས་ནས། དཔེར་ན་མི་བརྣངས་པ་སྐྱུག་ཏུ་མེད་ལ། མིང་དུ་ཡང་མེད་པ
92b4 ལྟར་བ་དག་ལ་བུ་འདི་གཅིག་པུར་ཟད་དེ། གལ་ཏེ་ཤི་བར་གྱུར་ན་ནོར་གྱི་བདག་པོ་ཡང་མེད་པར་འགྱུར་ན། གལ་ཏེ་བུད་མེད་ཀྱིས་སྨྲས་པ་བཞིན་དུ་བྱས་ན་ཡང་། འཇིག་རྟེན་པ་ཀུན
92b5 གྱིས་སྨྲས་པ་ཡིད་མི་ཆེས་ཏེ། མ་འོངས་པའི་དུས་སུ་ཡང་སྡུག་བསྔལ་མང་པོ་མྱོང་བར་འགྱུར་རོ་སྙམ་ནས། མ་རངས་བཞིན་དུ་ཆུང་མས་སྨྲས་པ་བཞིན་བྱས་པས། ཆུང་མ་ཡང
92b6 རབ་ཏུ་དགའ་ནས་ཚོང་པ་ལ་བུ་ངའི་ཁྱོས་ཀྱང་གནང་གིས། དེ་བཞིན་དུ་གྱིས་ཤིག་ཅེས་བསྒོའོ།། ཚོང་པ་ཡང་རབ་ཏུ་དགའ་ནས་ཕྱིར་ཁྱིམ་དུ་སོང་སྟེ། གླང་པོ་ཆེན་པོ་གཅིག་རིན་པོ་ཆེ
92b7 སྣ་ཚོགས་ཀྱིས་བརྒྱན་ནས་གོས་རིན་པོ་ཆེ་གྱོན་ཏེ། གླང་པོ་ཆེ་དེ་ལ་ཞོན་ནས་ཚོང་དུས་སུ་འོངས་སོ།། ཁྱིམ་བདག་གི་བུ་དེས་དེ་ལྟ་བུ་མཐོང་ནས་དགའ་སྟེ། ཡིད་ལ་ད་ནི་མི་འདི་ལོངས
iiif viewer powered by OpenSeadragon
