| e-texts navigator |
| Wylie |
91b1 པས་བུ་ལོན་མི་འདོད་པ་བགམ་མོ་སྙམ་བསམས་ནས་རྟ་བཟང་པོ་ཞིག་ལ་ཞོན་ཏེ། གོས་རིན་པོ་ཆེ་གྱོན་ནས་ཚོང་དུས་སུ་སོང་ངོ་།། ཁྱིམ་བདག་གི་བུ་དེས་ཀྱང་ཚོང་པ་དེ་གོས་བཟང་པོ
91b2 གྱོན་ཞིང་རྟ་བཟང་པོ་ཞོན་པ་མཐོང་ནས་བསམས་པ། འདི་ནི་ལོངས་སྤྱོད་དང་ལྡན་པར་གྱུར་པ་ལྟ། བུ་ལོན་བདའ་འོ་སྙམ་ནས། མི་ཞིག་ལ་བུ་ལོན་ཆགས་པའི་རྣམས་ད་ཕྱིར་མི་སྦྱིན་ནས
91b3 ཞེས་སྤྲིང་ནས། དེས་ཀྱང་དེ་བཞིན་དུ་བྱའོ་ཞེས་སྨྲས་སོ།། དེ་ནས་ཚོང་པ་དེས་བསམས་པ། ཁྱིམ་བདག་འདི་ལས་ནོར་དབྱིག་མང་དུ་བསྐྱིས་པས། བདག་ལ་ལོངས་སྤྱོད་ཅི་བདོག
91b4 པ་ཐམས་ཅད་གཏུགས་ཀྱང་མི་འཁོར་ཏེ། བདག་གིས་ཐབས་ཤིག་བྱའོ་སྙམ་བསམས་ནས། ཚོང་པ་དེ་ནོར་བུ་རིན་པོ་ཆེ་གཅིག་ཐོགས་ཏེ། ཞལ་ཆེ་བ་དེའི་ཆུང་མའི་གན་དུ་སོང་ནས
91b5 འདི་སྐད་ཅེས་གསོལ་ཏོ། ། བཙུན་མོ་མཁྱེན་པར་མཛོད་ཅིག། བདག་གིས་སྔོན་ཁྱིམ་བདག་ཚུལ་ཁྲིམས་ལས་ནོར་རྫས་ཅུང་ཟད་ཅིག་བསྐྱིས་ཏེ། ད་ཁྱིམ་བདག་གི་བུ་བདག་ལ་བུ་ལོན
91b6 དེད་ན་ནོར་བུ་རིན་པོ་ཆེ་སྲང་ཁྲི་རི་བ་འདི་བཞེས་ཏེ། ཞལ་ཆེ་བ་ལ་བདག་ཅག་གཉིས་འདྲིར་འོངས་ན། མ་མཐོང་ངོ་ཞེས་བྱ་བར་གསོལ་བར་གྱིས་ཤིག་ཅེས་གསོལ་ཏོ།། ཆུང་མས་སྨྲས
91b7 པ་བདག་གི་ཁྱིམ་ཐབ་འདི་ནི་ཤིན་ཏུ་དྲང་སྟེ། བརྫུན་མི་ཟེར་བས་མི་བཏུབ་ཏུ་ངེས་ན། འོན་ཀྱང་གསོལ་བར་བྱའོ་ཞེས་ནོར་བུ་བླངས་ཏེ། ཁྱིམ་ཐབ་ནུབ་མོ་སླར་འཁོར་བ་དང་།
iiif viewer powered by OpenSeadragon
