| e-texts navigator |
| Wylie |
90b1 ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཅིའི་སླད་དུ་ཁྱིམ་བདག་གི་བུ་དེ་ལ་མིག་དང་། རྣ་བ་དང་། སྣ་དང་། ལྕེ་དང་། རྐང་པ་ཡང་མ་མཆིས་ཏེ། བཙས་མ་ཐག
90b2 ཏུ་ཤིན་ཏུ་ཕྱུག་པོའི་ཁྱིམ་དུ་ནོར་གྱི་བདག་པོར་གྱུར། བཅོམ་ལྡན་འདས་ཀྱིས། ཁྱིམ་བདག་ལ་བཀའ་སྩལ་པ། ཁྱོད་ཀྱིས་འདི་དག་ཞུས་པ་ལེགས་ཀྱིས། ཤིན་ཏུ་རྟག
90b3 པར་ཉོན་ལ་ཡིད་ལ་ཟུང་ཞིག་དང་། ཁྱོད་ལ་བསྟན་ཏོ་ཞེས་བཀའ་སྩལ་ནས། ཁྱིམ་བདག་གིས་དེ་བཞིན་ཐོས་པར་འཚལ་ལོ་ཞེས་གསོལ་ཏོ།། བཅོམ་ལྡན་འདས་ཀྱིས་བཀའ
90b4 སྩལ་པ་སྔོན་འདས་པའི་དུས་ན། ཁྱིམ་བདག་གཅིག་ལ་བུ་ཁྱེའུ་སྤུན་གཉིས་ཤིག་ཡོད་དེ། གཅིག་ནི་སྦྱིན་པ་ཞེས་བྱ། གཅིག་ནི་ཚུལ་ཁྲིམས་ཞེས་བྱ་སྟེ། ཁྱེའུ་སྤུན
90b5 གཉིས་ཆུང་ངུ་ནས་ཆུ་གང་དང་ཁྲེལ་ལྟས་ཆེ་ལ་ཚིག་བདེན་པར་སྨྲ་བ། རྟག་ཏུ་སྦྱིན་པ་ལ་དགའ་བ། དབུལ་འཕོངས་པ་ལ་མགོན་བྱེད་དེ། དེ་ལྟར་དད་པ་ཆེ་ཞིང་དགེ་བས་ཡུལ་མིས
90b6 ཀྱང་བསྔགས་ཏེ། རྒྱལ་པོས་ཀྱང་ཞལ་ཆེ་བར་བཅུག་ནས། ཉེས་པ་དང་མ་ཉེས་པ་སྦྱོང་ངོ་།། དེའི་ཚེ་ན་རྒྱལ་པོ་ཡུལ་ཁྲིམས་ཀྱིས་ཡུལ་མི་དག་གཅིག་ལ་གཅིག་ཅི་བསྐྱིས་ཀྱང་ཞལ
90b7 ཆེ་བའི་དྲུང་དུ་ལྷགས་ནས་དཔང་འཛུགས་ཀྱི། གཏན་ཚིགས་གཞན་མི་ཟེར་རོ།། དེའི་ཚེ་ཚོང་པ་ཞིག་རྒྱ་མཚོར་འགྲོ་བ་ལས་དེའི་ནུ་བོ་ཚུལ་ཁྲིམས་ཞེས་བྱ་བ་ལས་ནོར་དབྱིག་མང་པོ
iiif viewer powered by OpenSeadragon
