| e-texts navigator |
| Wylie |
90a1 རིགས་མཐུན་པ་ལ་བག་མར་བཏང་ནས། བུ་མོ་དེས་ཁྱིམ་བདག་དེ་ལ་བཀུར་སྟི་བསྐྱེད་ནས་སྟན་གདིང་བ་དང་། མལ་བྱེད་པ་དང་། ཕྱག་བདར་དང་། ཁ་ཟས
90a2 སྦྱོར་བ་དང་། བསུ་བ་དང་། སྐྱེལ་བ་དང་། ཕྱག་འཚལ་བ་དང་། གསོང་པོར་སྨྲ་བ་ལ་སོགས་པའི་ལས་བྱེད་པ་ཐམས་ཅད་ལ། ཇི་ལྟར་བྲན་མོ་དག་རྗེ་བོའི་ལས་བྱེད་པ་བཞིན
90a3 དུབུ་མོ་དེ་ཡང་ཁྱིམ་ཐབ་དེའི་བཀུར་སྟི་བྱེད་པས། ཁྱིམ་ཐབ་ཀྱིས་ཆུང་མ་ལ་འདི་སྐད་ཅེས་སྨྲས་སོ།། ཁྱོ་ཤུག་ཅེས་བྱ་བ་བདག་ཅག་ཏུ་མ་ཟད་དེ། ཀུན་ལ་ཡང་སྲིད་ན་ཁྱོད་འབའ
90a4 ཞིག་ཅིའི་ཕྱིར་འདི་ལྟར་བྱེད་ཅེས་སྨྲས་སོ། ། ཆུང་མས་སྨྲས་པ། བདག་གི་ཕ་ལ་ནོར་ཕྱུགས་གྲངས་མེད་པ་ཞིག་ཡོད་དེ། གུམ་པའི་འོག་ཏུ་བུ་མོ་ལྔ་ཡོད་ཀྱང་། ནོར་ཐམས་ཅད
90a5 རྒྱལ་པོས་བཞེས་པར་ཆད་པ་ལས་མའི་རུམ་མི་བདེ་བ་ཟླ་བ་ཚང་ནས་མིང་པོ་བཙས་ན་མིག་ཀྱང་མེད། རྣ་བ་དང་། ལྕེ་དང་། རྐང་པ་དང་། ལག་པ་ཡང་མེད་དེ། སྐྱེས་པའི
90a6 མཚན་མ་འབའ་ཞིག་ཡོད་པས་ནོར་བདག་ཏུ་གྱུར་ཏོ། ། དེ་བས་ན་དབང་པོ་ཅི་ཡོད་ཀྱང་སྐྱེས་པའི་མཚན་གཅིག་ཙམ་ཡང་མི་ཕོད་དེ། བདག་ཁྱོད་ལ་བཀུར་སྟི་བྱེད་པ་ཡིན་ནོ།།
90a7 ཁྱིམ་བདག་དེས་ཆུང་མས་སྤྲས་པ་ཐོས་ནས། ངོ་མཚར་དུ་གྱུར་ཏེ་ཆུང་མ་དང་འགྲོགས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས
iiif viewer powered by OpenSeadragon
