| e-texts navigator |
| Wylie |
89b1 ན་གལ་ཏེ་ཁྱེའུ་ཞིག་བྱུང་ན། ཁོ་ནོར་བདག་དངོས་ཡིན་ནོ་སྙམ་བསམས་ནས། རྒྱལ་པོ་ལ་འདི་སྐད་ཅེས་གསོལ་ཏོ།། བདག་ཅག་གི་ཕ་གུམ་པས་བུ་ཕོ་མ་མཆིས་པའི་སླད་དུ། ནོར
89b2 ཕྱུགས་རྒྱལ་པོ་ས་བ་ཞེས་པ་འདི་ད་ལྟར་བདག་ཅག་གི་མའི་རུམ་མི་བདེ་བ་བྱེ་བྲག་མ་བྱེའི་བར་དུ་བཞག་ཅིང་། བུ་མོ་ལགས་ན་བཞེས་པས་ཀྱང་སླེབས་ཏེ། གལ་ཏེ་ཁྱེའུ་ཞིག་ལགས་པར
89b3 གྱུར་ན་ནོར་བདག་དངོས་ལགས་སོ། ། རྒྱལ་པོ་རབ་གསལ་རྒྱལ་དེ་ཡང་དྲང་ཞིང་ཆོས་ཀྱིས་སྲིད་འཚོ་བས། བུ་མོ་དེ་དག་གིས་གསོལ་བ་བཞིན་དུ་བྱས་སོ།། དེ་ནས་རིང་པོར་མ་ལོན་པར
89b4 ཟླ་བ་དགུ་ཚང་ནས་བུ་ཕོ་ཞིག་བྱུང་སྟེ། དེ་ལ་རྣ་བ་མེད། མིག་ཀྱང་མེད། ལྕེ་ཡང་མེད། རྐང་ལག་ཀྱང་མེད་དེ། ཕོ་མཚན་འབའ་ཞིག་ཡོད་པའི་གོང་གོང་པོ་ཞིག་བྱུང་བས། དེའི།
89b5 མིང་ཡང་མན་འཛི་བྱི་ལི་ཞེས་བྱ་བར་བཏགས་སོ།། དེ་ནས་བུ་མོ་དེ་དག་གིས་ཁྱེའུ་ཞིག་བྱུང་ངོ་ཞེས་གསོལ་པ་དང་། རྒྱལ་པོ་དེས་བསམས་པ། མིག་དང་། རྣ་བ་དང་། སྣ་དང་།
89b6 ལྕེ་དང་རྐང་ལག་ལ་སོགས་པ་ཡོད་པས་ནི་ནོར་བདག་ཏུ་མི་འགྱུར་གྱི། གང་ཕོ་མཚན་དང་ལྡན་པ་དེས་ནོར་བདག་ཏུ་འགྱུར་ཏེ། བུ་འདི་ལ་ཡང་ཕོ་མཚན་ཡོད་པས་པའི་ནོར་བདག་ཏུ
89b7 འགྱུར་རོ་ཞེས་འདི་སྙམ་དུ་བསམས་ནས། བུ་མོ་དེ་དག་ལ་ནོར་ཕྱུགས་དང་ལོངས་སྤྱོད་ཅི་བདོག་པ་ཁྱོད་ཀྱི་མིང་པོ་དབང་སྟེ། མི་བཞེས་སོ་ཞེས་བཀའ་སྩལ་ཏོ།། དེའི་ཚེ་ན་བུ་མོ་ཆེན་མོ
iiif viewer powered by OpenSeadragon
