| e-texts navigator |
| Wylie |
87b1 མཐོང་བ་དང་། བུ་མོ་ལ་སྨྲས་པ། ཁྱོད་ཅི་ཉེས་གཅིག་གིས་ཀྱལ་ཀ་བྱས་ཏེ། ཁྱོད་ཀྱི་རིགས་སུན་པར་བྱས་སམ་ཞེས་དྲིས་ན། བུ་མོ་ཅང་མི་སྨྲ་བར་འདི་སྙམ་དུ་བསམས་སོ།།
87b2 བདག་གིས་དྲང་པོར་སྨྲས་ན་ནི་རབ་ཏུ་ངོ་ཚ་བ་ཞིག། གལ་ཏེ་དགེ་ཚུལ་གྱིས་ཀྱིལ་ཀ་བྱས་ཤེས་སྨྲས་ན་ནི། འཕགས་པ་ལ་སྐུར་པས་སེམས་ཅན་དམྱལ་བར་ལྟུང་སྟེ། སྡུག་བསྔལ
87b3 མང་པོ་མྱོང་བར་འགྱུར་གྱིས། མ་སླུ་བར་དྲང་པོར་སྨྲའོ་སྙམ་བསམས་ནས། བདག་གཅིག་པུ་ཁང་པ་སྲུངས་ཞིང་མཆིས་པ་ལས། དགེ་ཚུལ་དེ་སློབ་དཔོན་གྱི་བསོད་སྙོམས་ལེན་དུ
87b4 འོངས་ནས། བདག་གི་འདོད་ཆགས་ཀྱི་མེ་མཆེད་པས་དགེ་ཚུལ་ལ་བརྟགས་ན། ཚུལ་ཁྲིམས་བསྲུང་བ་ཞིག་པས། སེམས་འགྱུར་དུ་མ་བཏུབ་སྟེ། དགེ་ཚུལ་དེ་ཐབས་བྱས་ནས
87b5 ཁང་པའི་ནང་དུ་ཞུགས་ཏེ་ཚེ་འཕོས་པར་གྱུར་ཏོ། ། བདག་གི་ལུས་བཙོག་པ་འདིས་སྣོད་ཡོངས་སུ་དག་པ་མ་རུང་བར་བྱས་པའི་སྟེང་དུ་ཁ་ན་མ་ཐོ་བའི་ཉེས་པ་བགྱིས་པས་བདག་མི་དགའ་འོ།།
87b6 དེ་སྐད་ཅེས་སྨྲས་པ་དང་། བུ་མོའི་ཕས་ཐོས་ནས་ཀྱང་ངོ་མཚར་དུ་གྱུར་ཏོ།། དེ་ཅིའི་ཕྱིར་ཞེ་ན། ཀུན་ནས་ཉོན་མོངས་པ་ནི། ཆོས་ཉིད་ཀྱི་དེ་དང་འདྲ་བར་རྟོགས་པའི་ཕྱིར་རོ།། དུ
87b7 མོ་ལ་སྨྲས་པ། ཆོས་ཐམས་ཅད་མི་རྟག་པ་ཡིན་གྱིས། མྱ་ངན་མ་བྱེད་ཅིག་ཅེས་བསྒོ་ནས། ཁང་པར་ཞུགས་ཏེ་བལྟས་ན། དགེ་ཚུལ་གྱི་རུས་བུ་ཙན་དན་དམར་པོ་ལྟར་ཁྲག་གིས་བགོས་པ
iiif viewer powered by OpenSeadragon
