| e-texts navigator |
| Wylie |
87a1 ཕུད་ནས་གདང་བུ་ལ་གཟར་ཏེ་ཐལ་མོ་སྦྱར་ནས། གྲོང་ཁྱེར་ཀུ་ཤེ་གང་ན་བར་སངས་རྒྱས་མྱ་ངན་ལས་འདས་པའི་གནས་ལོགས་སུ་པུས་མོ་བཙུགས་ནས
87a2 འདི་སྐད་ཅེས་ཡི་དམ་བཅས་སོ། ། བདག་ནི་སངས་རྒྱས་དང་། ཆོས་དང་། དགེ་འདུན་སྤོང་བ་མ་ལགས། མཁན་པོ་དང་སློབ་དཔོན་སྤོང་བ་མ་ལགས། ཚུལ་ཁྲིམས་སྤོང་བ
87a3 ལགས་ཀྱི། ཚུལ་ཁྲིམས་བསྲུང་བའི་སླད་དུ་ལུས་འདི་སྤོང་ངོ་།། བདག་གར་སྐྱེས་གར་སྐྱེས་ཀྱང་སངས་རྒྱས་ཀྱི་བསྟན་པ་ལ་རབ་ཏུ་འབྱུང་བ་དང་། ཚངས་པར་སྤྱོད་པ་རྣམ་པར
87a4 དག་པ་དང་། ཟག་པ་ཟད་པ་དང་། འབྲས་བུ་གྲུབ་པར་གྱུར་ཅིག་ཅེས་སྨོན་ལ་མི་བཏབ་ནས། རང་ག་བགུལ་པ་བཅད་དེ་ཚེ་འཕོས་སོ།། ཁྲག་གིས་ས་ཡོག་ནས་ལུས་ཀྱང
87a5 ཁྲག་གིས་དམར་པོར་གྱུར་ཏོ། ། དེའི་ཚེ་ན་བུ་མོ་དེ་ད་རི་ཐོགས་སྙམ་ནས། སྒོ་དྲུང་དུ་སོང་སྟེ་བོས་ན་ཅང་མི་ཟེར་རོ།། བུ་མོས་སྒོ་བྱ་སྟེ་བལྟས་རས། ཚེ་འཕོས་ཟིན་པ་མཐོང་ན
87a6 བསམས་པ་བཞིན་དུ་མ་གྱུར་པས་འདོད་པའི་སེམས་ཀྱང་ཞི་སྟེ། བུ་མོ་དེ་ཤིན་ཏུ་མི་དགའ་བས་གདུངས་པས་སྒྲ་ཡང་བཤིག། བདག་གི་གདོང་ཡང་སེན་མོས་བྲང་དེ་ས་ལ་འགྲོ
87a7 ཞིང་ངུའོ། ། བུ་མོའི་ཕ་མ་སྟོན་མོ་ལས་ཕྱིར་ལོག་ནས་སྒོ་བརྡུངས་ཏེ་བོས་ན། བུ་མོ་ཅང་མི་སྦ་བས། མི་ཞིག་ནང་དུ་བཏང་སྟེ་སྒོ་འབྱེང་དུ་བཅུག་ནས། བུ་མོ་དེ་དེ་ལྟ་བུར་གྱུར་པ
iiif viewer powered by OpenSeadragon
