| e-texts navigator |
| Wylie |
86b1 ཡིན་ནམ། དེ་བཞིན་གཤེགས་པ་ཡང་དེ་འབའ་ཞིག་གི་སྟོན་པ་ཡིན་གྱི། བདག་ཅག་གི་སྟོན་པ་མ་ཡིན་ནམ། དཔེར་ན་ཙམ་པ་ཀའི་མེ་ཏོག་ཟར་མ་དང་ལྷན་ཅིག་ཏུ་བཙིར་ན། ཙམ།
86b2 པ་ཀའི་དྲི་ཞམ་པོ་ཡང་ཟར་མའི་མར་ལ་བྲོ་བར་འགྱུར་ཏེ། བདག་ནི་དེ་ལྟ་མ་ཡིན་གྱི། དགེ་བའི་བཤེས་གཉེན་གྱིས་ཡོངས་སུ་ཟིན་ན། ཅིའི་ཕྱིར་དེང་འདིར་སྡིག་པ་མི་དགེ་བའི་ཆོས་བྱེད
86b3 པར་འགྱུར། ལུས་དང་སྲོག་ཡལ་ཡང་བླའི་ནམ་དུ་ཡང་ཚུལ་ཁྲིམས་ཉམས་ཤིང་སངས་རྒྱས་དང་། ཆོས་དང་། དགེ་འདུན་དང་། ཕ་མ་དང་། སློབ་དཔོན་དང་། བླ་མའི
86b4 རིགས་སུན་པར་མི་བྱའོ། ། ཡང་བསམ་པ། གལ་ཏེ་བདག་བྲོས་ན་ནི། བུ་མོ་དེ་འདོད་ཆགས་ཀྱིས་གདུངས་པས་ཁྲེལ་བ་དང་ངོ་ཚ་བ་ཡང་མེད་དེ། ཕྱི་རོལ་ཏུ་བདག་ཟིན་ནས་བདག
86b5 ལ་སྐུར་པ་འདེབས་པར་འགྱུར་ཏེ། གྲོང་མི་དག་གིས་མཐོང་ན་རིགས་སུན་འབྱིན་པར་འགྱུར་གྱིས། བདག་ནི་ངེས་པར་ཁང་པ་འདི་ཉིད་དུ་ཚེ་འཕོ་བར་བྱའོ་སྙམ་དུ་བསམས་ནས། བུ་མོ
86b6 དེ་ལ་འདི་སྐད་ཅེས་སྨྲས་སོ། ། སྒོ་དག་དམ་དུ་ཆོད་ཅིག། བདག་ནི་ཁང་པ་གཅིག་གི་ནང་དུ་བྱ་བ་ཅུང་ཟད་ཅིག་ཡོད་པ་དེ་བྱས་ནས། ཁྱོད་དང་ཕྲད་པར་བྱའོ་ཞེས་བསྒོ་ནས། བུ་མོ་ཕྱི
86b7 ཞིག་ཏུ་སོང་བའི་འོག་ཏུ། དགེ་ཚུལ་ཁང་པ་གཅིག་གི་ནང་དུ་ཞུགས་ནས་སྒོ་གཏན་དམ་དུ་བཅུག་སྟེ། ནང་ནས་སྤུ་གྲི་རྙེད་པས་རབ་ཏུ་དགའ་སྟེ། ལུས་ལ་གྱོན་པའི་གོས་རྣམས་ཀྱང
iiif viewer powered by OpenSeadragon
