| e-texts navigator |
| Wylie |
83b1 དེས་འདི་སྙམ་དུ་བསམས་སོ།། བདག་གི་བུ་འདི་རབ་ཏུ་དབྱུང་གིས། སྟོན་པ་མཁས་པ་ཞིག་ལ་བཅོལ་ཏོ།། དེ་ཅིའི་ཕྱིར་ཞེ་ན། དགེ་བའི་བཤེས་གཉེན་ལ་བརྟེན་པ་ནི་དགེ་བ་ཡང་།
83b2 འཕེལ་བར་འགྱུར། སྡིག་པའི་གྲོགས་པོ་ལ་བརྟེན་པ་ནི་སྡིག་པའི་ཆོས་སྐྱེ་བར་འགྱུར་ཏེ། དཔེར་ན་རླུང་གི་རང་བཞིན་ནི་སྟོང་མོད་ཀྱི། ཙན་དན་གྱི་ཚལ་ལམ། ཙམ་པ་ཀའི་ཚལ
83b3 ལས་འོངས་ན། རླུང་དེ་ལས་དྲི་བསུང་ཞིམ་པོ་བྲོའོ།། གལ་ཏེ་མན་མོ་ཞིང་བཙོག་པ་འམ། རོ་སུངས་པའི་ཕྱོགས་ནས་འོངས་ན། རླུང་དེ་ཡང་མནམ་མོ།། དཔེར་ན་གོས་གས
83b4 པ་ཡང་སྤོས་ཀྱི་སྣོད་དུ་གཞུག་ན། གོས་དེ་ལ་ཡང་སྤོས་བྲོའོ།། གལ་ཏེ་མནམ་པ་སུངས་པའི་གནས་སུ་བཞག་ན། གོས་དེ་ཡང་མནམ་མོ།། དགེ་བའི་བཤེས་གཉེན་ལ
83b5 བརྟེན་ན་དགེ་བ་ཡང་ཉིན་གཅིག་བཞིན་འཕེལ་གྱིས། སྡིག་པའི་གྲོགས་པོ་ལ་རྟེན་ན་སྡིག་པ་སྐྱེ་ཞིང་འཕེལ་བར་འགྱུར་གྱིས། དེ་བས་ན་བདག་གི་བུ་འདི་ཡང་དགེ་སློང་བཙུན་པ
83b6 འདི་ལ་ཕུལ་ཏེ། རབ་ཏུ་འབྱུང་ངོ་སྙམ་བསམས་ནས། དགེ་སློང་དེ་གང་ན་བ་དེར་སོང་སྟེ་འདི་སྐད་ཅེས་སྨྲས་སོ།། བདག་གི་བུ་འདི་རབ་ཏུ་འབྱུང་བར་དད་ཀྱིས། བཙུན་པས
83b7 ཐུགས་བརྩེ་བར་དགོངས་ཏེ་རབ་ཏུ་དབྱུང་བར་གསོལ་ཏོ། ། གལ་ཏེ་མི་གནང་ན་སླར་ཡང་ཁྱིམ་དུ་ཁྲིད་དེ་མཆིའོ།། དེ་ནས་དགེ་སློང་གིས་རྫུ་འཕྲུལ་གྱིས་མིག་གིས་བརྟགས་ན། ཁྱེའུ་འདི
iiif viewer powered by OpenSeadragon
