| e-texts navigator |
| Wylie |
83a1 གཏི་མུག་དང་བཅས་ལ་ཆོས་མ་ཡིན་པ་སྤྱོད་ཅིང་། ཚུལ་ཁྲིམས་ཉམས་པ་ཡང་ཡོད་དེ། དེ་ནི་ཨ་མྲའི་འབྲས་བུ་ཕྱི་རོལ་སྦྱིན་ལྷ་ནང་མ་སྨིན་པ་དང་འདྲ།
83a2 དགེ་སློང་ཁ་ཅིག་ནི་ཕྱི་རོལ་གྱི་སྤྱོད་པ་རྩིང་ལ་སྤྱོད་ལམ་དང་མི་ལྡན་པ་ཡང་། ནང་དགེ་སྦྱོང་གི་སྤྱོད་པ་དང་ཡོན་ཏན་དུ་ལྡན་ཏེ། བསམ་གཏན་དང་། ཏིང་ངེ་འཛིན་དང་། ཤེས་ར
83a3 ཏུ་ལྡན་པ་ཡོད་དེ། དེ་ནི་ཨ་མྲའི་འབྲས་བུ་ནང་སྨིན་ལ་ཕྱི་རོལ་མ་སྨིན་པ་དང་འདྲའོ།། དགེ་སྦྱོང་ཁ་ཅིག་ནི་སྤྱོད་ལམ་རྩིང་ལ་ཉེས་པ་བྱེད་ཅིང་ཚུལ་ཁྲིམས་ཀྱང་ཉམས་ལ། ནང
83a4 ཡང་འདོད་ཆགས་ཞེ་སྡང་གཏི་མུག་དང་། སེར་སྣ་དང་། ཕྲག་དོག་ཏུ་བཅས་པ་ཡང་ཡོད་དོ། དེ་ནི་ཨ་མྲའི་འབྲས་བུ་ཕྱི་རོལ་ཀྱང་མ་སྨིན་ལ་ནང་ཡང་མ་སྨིན་པ་དང་འདྲའོ།།
83a5 དགེ་སློང་ཁ་ཅིག་ནི་སྤྱོད་ལམ་མཛེས་ཤིང་ཚུལ་ཁྲིམས་དང་ལྡན་ལ། ནང་ཡང་དགེ་སློང་གི་ཡོན་ཏན་དང་། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཏུ་ལྡན་པ
83a6 ཡང་ཡོད་དེ། དེ་ནི་ཨ་མྲའི་འབྲས་བུ་ཕྱི་ནང་གཉིས་ཀ་སྨིན་པ་དང་འདྲའོ།། བསོད་སྙོམས་པའི་དགེ་སློང་དེ་ཕྱི་ནང་གཉིས་ཀ་དང་ལྡན་པ་ཡང་དེ་དང་འདྲ་སྟེ། ཡོན་ཏན་དང
83a7 སྤྱོད་པ་ཡོངས་སུ་རྫོགས་པས་ཐམས་ཅད་རིམ་གྲོ་དང་བཀུར་སྟི་བྱེད་དོ། ། དེའི་ཚེ་ན་ཡུལ་དེ་ནི་ཁྱིམ་བདག་དཀོན་མཆོག་གསུམ་ལ་ཤིན་ཏུ་དད་པ་ཞིག་ལ་བུ་ཁྱེའུ་ཞིག་ཡོད་དེ།
iiif viewer powered by OpenSeadragon
