| e-texts navigator |
| Wylie |
82b1 བྱ་བ་ན། དགེ་བསྙེན་དཀོན་མཆོག་གསུམ་ལ་དད་པ། སྲོག་མི་གཅོད་པ། མ་བྱིན་པར་མི་ལེན་པ། འདོད་པ་ལོག་པར་མི་གཡེམ་པ། བརྫུན་དུ་མི་སྨྲ་བ། སྤྱོ་བའི།།
82b2 ཁུ་བ་ཆང་མི་འཐུང་བའི་ཚུལ་ཁྲིམས་ལྔ་བསྲུང་བ། ཡོན་ཏན་དང་ལྡན་པ་ཞིག་ཡུལ་དེ་ན་འདུག་པ་ལས། དགེ་བསྙེན་དེས་དགེ་སློང་བསོད་སྙོམས་པ་དེའི་ཚེ་གཅིག་གི་བར་དུ
82b3 འཚོ་བ་སྦྱར་ཏེ། འཚོ་བ་སྦྱར་བའི་བསོད་ནམས་ནི་མྱོང་བར་འགྱུར་རོ་སྙམ་ནས། གལ་ཏེ་བདག་གི་ཁྱིམ་དུ་སྤྱན་དྲངས་ཏེ། ལམ་དུ་གྲང་བ་དང་ཚ་བས་ཉོན་མོངས་ཏེ་སྒོམ་པའི
82b4 བཔར་ཆད་དུ་ཡང་འགྱུར་ལ། ། ཕྱིས་རྣམ་པར་སྨིན་པ་མྱོང་བ་ན་ཡང་། བདག་གིས་བསམས་ཤིང་དོན་དུ་གཉེར་བས་ཐོབ་པར་འགྱུར་རོ།། གལ་ཏེ་འཚོ་བ་གནས་སུ་བསྐྱལ་ན།
82b5 ཕྱིས་རྣམ་པར་སྨིན་པ་ཡང་དོན་དུ་གཉེར་མི་དགོས་པར་ཐོབ་པར་འགྱུར་རོ་སྙམ་བསམས་ནས། དགེ་བསྙེན་དེ་དད་པའི་སེམས་ཀྱིས་ཞལ་ཟས་རོ་བརྒྱ་དང་ལྡན་པ། དྲི་བསུང་དང་ཁ་དོག
82b6 དང་ལྡན་པ་སྣ་ཚོགས་བཤམས་ཏེ་ཉིན་གཅིག་བཞིན་དུ་སྐྱེལ་ཏོ། ། དགེ་སྦྱོང་ལ་བཟང་ངན་རྣམ་པ་བཞི་བརྟག་དཀའ་བ་ནི། ཇི་ལྟར་ཨ་མྲའི་འབྲས་བུ་སྨིན་ནམ་མ་སྨིན་པ་བརྟག
82b7 དཀའ་བ་བཞིན་ནོ། ། དགེ་སློང་ཁ་ཅིག་སྤྱོད་ལམ་ཤིན་ཏུ་མཛེས་ཤིང་། གོམ་པ་དལ་གྱིས་འགྲོ་ལ་གཉའ་ཤིང་གང་ལས་མི་ལྟ་ཡང་། ནང་འདོད་ཆགས་དང་། ཞེ་སྡང་དང་།
iiif viewer powered by OpenSeadragon
