| e-texts navigator |
| Wylie |
82a1 པས་ནི་མི་འགྲིབ་བོ། ། ཚུལ་ཁྲིམས་ཀྱི་རྒྱ་མཚོ་ཡང་བག་ཡོད་པས་མི་སྐྱེ། ཡོན་ཏན་དང་ལྡན་པས་མི་འགྲིབ་བོ།། དེ་བས་ན་གང་ཚུལ་ཁྲིམས
82a2 བསྲུང་བ་དེའི་ཡོན་ཏན་ནི་རབ་ཏུ་མང་བར་རིག་པར་བྱའོ། ། བཅོམ་ལྡན་འདས་མྱ་ངན་ལས་འདས་ནས་ཡུལ་ཨན་ཏ་ཞེས་བྱ་བ་ན། དགེ་སློང་བསོད་སྙོམས་པ
82a3 དགོན་པ་ལ་གནས་པར་དགའ་བ་སྤྱོད་ལམ་དང་ལྡན་པ་ཞིག་ཡོད་དོ། ། དགེ་སློང་བསོད་སྙོམས་པ་ནི་སངས་རྒྱས་ཀུན་གྱིས་བསྔགས་ཀྱི། ཕལ་གྱི་ནང་ན་གནས་པ་མ་ཡིན
82a4 ནོ། ། དེ་ཅིའི་ཕྱིར་ཞེ་ན། དགེ་སློང་བསོད་སྙོམས་པ་ནི་འདོད་པ་ཆུང་ཞིང་ཆོག་ཤེས་ཏེ། ཅི་ཡང་མི་སོགས་ཤིང་ཟ་གཅིག་པ། བླ་གབ་མེད་པ། ཆོས་གོས་གསུམ་ལ
82a5 སོགས་པ་སྤྱོད་དེ། བཙུན་པའོ།། གཙོ་བོའོ།། དགེ་འདུན་གྱི་ནང་ན་གནས་པའི་དགེ་སློང་ནི་འདོད་པ་མང་བ་ཆོག་མི་ཤེས་པ་ལ་སོགས་པ། ཆགས་པ་སེར་སྣ་བྱེད་པ
82a6 ཅི་ལ་ཡང་ཆགས་པས། གྲག་པ་ཆེན་པོ་ཐོབ་པར་མི་འགྱུར་རོ།། དགེ་སློང་བསོད་སྙོམས་པ་དེ་ཡང་ཡོན་ཏན་སྤྱོད་པ་དང་ལྡན་ཏེ། དགེ་སྦྱོང་གི་འབྲས་བུ་ཐོབ་ནས་མངོན་པར
82a7 ཤེས་པ་དྲུག་དང་། རིག་པ་གསུམ་དང་། རྣམ་པར་ཐར་པ་བརྒྱད་ལ་གནས་ཏེ། སྤྱོད་ལམ་ཤིན་ཏུ་མཛེས་པས་ཀུན་ཏུ་གྲགས་པར་གྱུར་ཏོ།། དེའི་ཚེ་ཡུལ་ཨན་ཏ་ཞེས
iiif viewer powered by OpenSeadragon
