| e-texts navigator |
| Wylie |
81b1 ནི་ཚད་མེད་དཔག་ཏུ་མེད་དོ། ། དཔེར་ན་རྒྱ་མཚོ་ཆེན་པོ་ཚད་མེད་མཐའ་མེད་དོ།། ཚུལ་ཁྲིམས་བསྲུང་བའི་བསོད་ནམས་ཀྱང་ཚད་མེད་མཐའ་མེད་དོ།། དཔེར་ན་རྒྱ་མཚོ་ནི་ལྷ་མ
81b2 ཡིན་དང་། རུས་སྦལ་དང་། ཆུ་སྲིན་དང་། ཆུའི་རིས་སུ་གཏོགས་པའི་སེམས་ཅན་ཆེན་པོའི་གནས་སུ་གྱུར་པ་ལྟར། ཚུལ་ཁྲིམས་ཀྱང་དེ་དང་འདྲ་སྟེ། ཐེག་པ་གསུམ
81b3 ལ་གནས་པའི་སྐྱེ་བོ་ཆེན་པོ་མང་དུ་གནས་སོ། ། དཔེར་ན་རྒྱ་མཚོའི་ནང་ན་གསེར་དང་། དངུལ་དང་། བཻ་ཌཱུཪྻ་ལ་སོགས་ཏེ་རིན་པོ་ཆེ་མང་པོ་ཡོད་པ་བཞིན་དུ། ཚུལ་ཁྲིམས་ཀྱི
81b4 རྒྱ་མཚོ་ཡང་དེ་དང་འདྲ་སྟེ། མི་རྟག་པ་བཞི་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། བསམ་གཏན་དང་། ཏིང་ངེ་འཛིན་ལ་སོགས་པའི་རིན་པོ་ཆེ་མང་པོ
81b5 ཡོད་དོ། ། དཔེར་ན་རྒྱ་མཚོ་ཆེན་པོའི་གཏིང་ཡང་རྡོ་རྗེ་ཡིན་ལ། མཐའ་མ་ཡང་རྡོ་རྗེའི་རིས་བསྐོར་ཏེ། ཆུ་བོ་བཞི་འབབ་ཀྱང་མི་འགྲིབ་མི་འདུད་པ་ལྟར། ཚུལ་ཁྲིམས་ཀྱི
81b6 རྒྱ་མཚོ་ཡང་དེ་དང་འདྲ་སྟེ། འདུལ་བ་རྡོ་རྗེ་ལྟ་བུས་ནི་གཏིང་བྱས། ཆོས་མངོན་པའི་རིས་ནི་མཐའ་བསྐོར། མདོ་སྡེ་བཞི་ཆུ་བོ་ལྟ་བུར་འབབ་ཀྱང་འཕེལ་བ་ཡང་མེད། འགྲིབ
81b7 བ་ཡང་མེད་དོ། ། རྒྱ་མཚོ་ཅིའི་ཕྱིར་མི་འདུད་ཅེ་ན། མཚམས་མེད་པའི་སེམས་ཅན་དམྱལ་བའི་མེས་རྒྱ་མཚོ་སྐམ་པས། དེའི་ཕྱིར་རྒྱ་མཚོ་མི་འདུད་ངོ་།། ཆུ་བོ་རྟག་ཏུ་འབབ
iiif viewer powered by OpenSeadragon
