| e-texts navigator |
| Wylie |
81a1 ཡང་མི་ནུས་པ་ཡང་། སངས་རྒྱས་ཀྱི་བསྟན་པ་ལ་རབ་ཏུ་བྱུང་ནས་དགྲ་བཅོམ་པར་གྱུར་ཏེ། འདི་ལྟ་བུའི་དམ་པའི་ཆོས་ཀྱང་སྟོན་ཏོ་ཞེས་བརྗོད་དོ།། དེའི་ཚེ
81a2 རྒྱལ་པོའི་ཁབ་དེ་ན་གནས་པའི་མི་དག་ཕལ་ཆེར་བསམ་པ་དག་པའི་སེམས་སྐྱེས་ནས། ཁ་ཅིག་ནི་བུ་དང་། བུ་མོ་དང་། བྲན་པོ་དང་། བྲན་མོ་ལ་སོགས་པ་རབ་ཏུ་འབྱུང་བར་གནང་ངོ་།།
81a3 ཁ་ཅིག་ནི་བདག་ཉིད་རབ་ཏུ་འབྱུང་བར་གསོལ་ནས་ཐམས་ཅད་རབ་ཏུ་དགའ་སྟེ་རྗེས་སུ་ཡི་རང་བར་གྱུར་ཏོ།། དེ་བས་ན་རབ་ཏུ་འབྱུང་བའི་ཡོན་ཏན་ནི་ཚད་མེད་མཐའ་མེད་དེ། དཔལ་སྐྱེས།།
81a4 ལྟ་བུ་ལོ་བརྒྱ་ལེན་ནས་རབ་ཏུ་བྱུང་ནས། དེ་ལྟ་བུའི་ཡོན་ཏན་ཆེན་པོ་དང་ལྡན་པར་གྱུར་ན། གཞོན་ནུ་དར་ལ་བབ་པ་རབ་ཏུ་བྱུང་ནས་འབྲས་བུ་ཆེན་པོ་མཆོག་དས་པ་རྙེད་པ་ལྟ་ཅི་སྨོས་ཏེ།
81a5 ཆོས་ལ་བརྩོན་པ་དག་ནི་རབ་ཏུ་འབྱུང་བར་བྱའོ།། རབ་ཏུ་བྱུང་བའི་ཡོན་ཏན་བསྔགས་པའི་ལེའུ་སྟེ་བཅོ་ལྔ་པའོ།། །། བམ་པོ་ལྔ་པ།།
81a6 དགེ་ཚུལ་གྱིས་ཚུལ་ཁྲིམས་བསྲུང་བའི་ལེའུའོ།། ཚུལ་ཁྲིམས་བསྲུང་བ་དག་ནི་ལུས་དང་སྲོག་སྟེར་ཀྱང་བླའི་ནམ་དུ་ཡང་ཚུལ་ཁྲིམས་ཉམས་པར་མི་བྱེད་དོ།། དེ་ཅིའི་ཕྱིར་ཞེ
81a7 ན་ཚུལ་ཁྲིམས་ནི་བྱང་ཆུབ་ཏུ་འཇུག་པའི་རྩ་བ་ཟག་པ་མེད་པའི་མཆོག། མྱ་ངན་ལས་འདའ་བའི་བདེ་བར་འགྲོ་བའི་ལམ་མོ།། ཚུལ་ཁྲིམས་དག་པར་བསྲུང་བའི་བསོད་ནམས
iiif viewer powered by OpenSeadragon
