| e-texts navigator |
| Wylie |
80b1 ཏུ་འགྱོད་ཅིང་མི་དགའ་བ་སྐྱེས་ནས། འདི་ལྟ་བུ་མཁས་པ་ཤེས་རབ་ཅན་འཕགས་པ་ལ། བདག་ཅག་ཤེས་རབ་མེད་པས་འཚེ་བ་དང་མཐོ་བཙམས་པ་བགྱིས་སོ།། བདག
80b2 ཅག་ནི་ཁ་ན་མ་ཐོ་བའི་རྣམ་པར་སྨིན་པ་མྱོང་བར་འགྱུར་རོ་ཞེས་སྨྲས་ནས། དགེ་སློང་གཞོན་ནུ་དག་དགེ་སློང་དཔལ་སྐྱེས་གང་ན་བ་དེར་སོང་ནས་ཕྱིན་པ་དང་། ལུས་སྨད་ལྔ་ས་ལ
80b3 གཏུགས་ཏེ་ཕྱག་བྱས་ནས་འདི་སྐད་ཅེས་སྨྲས་སོ། ། སྐྱེས་བུ་དམ་པ་དག་ནི་སྙིང་རྗེ་དང་ལྷན་ཅིག་སྐྱེས་ཏེ། བཙུན་པ་ཁྱོད་སྐྱེས་པ་ཡང་སྙིང་རྗེ་ཆེན་པོ་དང་ལྷན་ཅིག་སྐྱེས་པ་ལགས་ན།།
80b4 བདག་ཅག་ལ་ཐུགས་བརྩེ་བའི་སླད་དུ། བདག་ཅག་ཁྱོད་ལ་མཐོལ་ཚངས་བགྱིའོ་ཞེས་སྨྲས་པ་དང་། དགེ་སློང་དེས་ཀྱང་བདག་གི་ལུས་ལ་ཡང་མི་དགའ་བའི་བསམ་པ་མེད་ཀྱིས།
80b5 ཚངས་པར་གྱུར་ཅིག་ཅེས་སྨྲས་སོ།། དེ་ནས་དགེ་སློང་དཔལ་སྐྱེས་ཀྱིས། དགེ་སློང་གཞོན་ནུ་དེ་རྣམས་ཤིན་ཏུ་འགྱོད་ཅིང་གནོང་བཀུར་བའི་སེམས་དང་ལྡན་པར་རྟོགས་ནས། དགེ
80b6 སློང་དེ་དག་ལ་དམ་པའི་ཆོས་བསྟན་ཏོ། ། དེ་དག་གིས་འཁོར་པོ་ལ་རྒྱབ་ཀྱིས་ཕྱོགས་པའི་ཆོས་ཐོས་ནས་བརྩོན་པ་དང་འབད་པས་ནན་ཏན་བྱས་ཏེ། ཀུན་ནས་ཉོན་མོངས་པའི་ཟག
80b7 པ་ཀུན་ཟད་ནས་དགྲ་བཅོམ་པར་གྱུར་ཏོ། ། དེ་ནས་ཁྱིམ་བདག་དཔལ་སྐྱེས་ཀྱང་རྒྱལ་པོའི་ཁབ་ཏུ་ཤིན་ཏུ་གྲགས་པར་གྱུར་ཏེ། ཀུན་གྱི་ངོ་མཚར་ཡ་མཚན་དུ་ཁྱིམ་བདག་རྒན་པོ་ཅི
iiif viewer powered by OpenSeadragon
