| e-texts navigator |
| Wylie |
79b1 སྲིན་བུ་ཞིག་ཏུ་སྐྱེས་སོ། ། ཆུ་སྲིན་གྱི་རོ་རྒྱ་མཚོའི་ངོགས་སུ་ཕྱུང་ནས། ཉི་མས་གདུངས་ཆར་པས་རླན་ཏེ་ཤ་ཟད་པར་གྱུར་པའི་རུས་པ་དེ་ནི་རི་འདི་ཡིན་ནོ།། དཔལ་སྐྱེས་འདི་ལྟར་རིག་པར
79b2 གྱིས་ཤིག། དེའི་ཚེ་དེའི་དུས་ན་རྒྱལ་པོ་ཆོས་ཀྱིས་འཕགས་ནི་ཁྱེད་ཡིན་ནོ།། མི་བསད་པའི་རྐྱེན་གྱིས་རྒྱ་མཚོ་ཆེན་པོར་ཆུ་སྲིན་དུ་སྐྱེས་སོ།། ཁྱོད་ཀྱིས་ང་ཡང་ཕྱིར་མིའི་ལུས་ཐོབ་པ
79b3 འདིས་འཁོར་བ་ལ་རྒྱབ་ཀྱིས་མ་ཕྱོགས་ན། འདི་ནས་ཚེ་འཕོས་མ་ཐག་ཏུ་སེམས་ཅན་དམྱལ་བར་ལྷུང་སྟེ་ཐར་པར་ཤིན་ཏུ་དཀའ་འོ།། དགེ་སློང་དཔལ་སྐྱེས་བདག་གི་ལུས་རྙིང་པ་ཡང
79b4 མཐོང་དེ་སྐད་ཅེས་བསྟན་པ་ཡང་ཐོས་ནས་འཁོར་བས་ཤིན་ཏུ་སྐྲག་སྟེ། གང་ལ་ནན་ཏན་བྱེད་བྱེད་པའི་ཆོས་དེ་ལ་མཐར་གྱིས་ཡིད་ལ་བྱས་ནས་སེམས་རྩེ་གཅིག་པ་ལ་གནས་ཏེ།
79b5 ལུས་རྙིང་པ་མཐོང་བས་མི་རྟག་པའི་ཆོས་ཁོང་དུ་ཆུད་དེ། འཁོར་བ་ལ་རྒྱབ་ཀྱིས་ཕྱོགས་པར་རྟོགས་ནས། ཀུན་ནས་ཉོན་མོངས་པའི་ཟག་པ་ཐམས་ཅད་ཟད་དེ་དགྲ་བཅོམ་པར་གྱུར
79b6 ཏོ། མོའུ་འགལ་ཡང་ཤིན་ཏུ་དགའ་ནས་སྨྲས་པ། ཆོས་ཀྱི་སྲས་པོ་ཁྱོད་ཀྱིས་ནི་བྱ་བ་ཐམས་ཅད་ཡིད་ལ་བྱས་ཀྱི། སྔར་འདིར་འོངས་པ་ནི་ངའི་མཐུས་འོངས་སོ།། ད་ནི་ཕྱིར་ཁྱོད
79b7 བདག་གི་མཐུས་འདོང་ངོ་ཞེས་སྨྲས་ནས། དེའི་ཚེ་མོའུ་འགལ་སྟེང་གི་ནམ་མཁའ་ལ་འཕགས་པ་དང་། དགེ་སློང་དཔལ་སྐྱེས་ཀྱང་སློབ་དཔོན་གྱི་ཕྱི་བཞིན་དུ་འོངས་པ་ནི་བྱའི་ཕྱི་བཞིན
iiif viewer powered by OpenSeadragon
