| e-texts navigator |
| Wylie |
77b1 གིས་བྱིན་པ་ཐོབ་པའི་མི་རྣམས་ཡིན་ནོ། ། དགེ་སློང་དེས་ཡང་གསོལ་པ། མི་ཞིག་ལ་མི་མང་པོས་བསྐོར་ཏེ་མདས་བཙགས་ནས་ལུས་གཅིག་ཏུ་འབར་བ་དེ་སུ་ལགས། མོའུ
77b2 འགལ་གྱིས་སྨྲས་པ། མི་སྔོན་རྔོན་པ་བྱེད་བྱེད་དེ་རི་དགས་མང་དུ་བསད་པས་སྡུག་བསྔལ་འདི་ལྟ་བུ་མྱོང་བར་གྱུར་ཏེ། དེ་ནས་ཚེ་འཕོས་ནས་སེམས་ཅན་དམྱལ་བ་ཆེན་པོར་སྐྱེས་ཏེ། དེ
77b3 ལས་ཐར་པའི་དུས་ཤིན་ཏུ་དཀའ་འོ། ། དགེ་སློང་གིས་ཡང་གསོལ་པ། རི་ཆེན་པོ་ལས་རལ་གྲི་དང་མཚོན་ཁར་རྒྱུག་པ་དེ་སུ་ལགས། མོའུ་འགལ་གྱིས་སྤྲས་པ། རྒྱལ་པོའི་བློན
77b4 པོ་ཤིན་ཏུ་དཔའ་བ་ཡིན་ཏེ། རེ་ཞིག་མཚོན་རྣོན་པོ་དང་། རལ་གྲི་དང་། མདུང་དང་། ཤ་ག་ཏིའི་ཁར་རྒྱུག་སྟེ། དེ་ནས་ཚེ་འཕོས་ནས་སེམས་ཅན་དམྱལ་བ་ཆེན་པོར་སྡུག་བསྔལ
77b5 ཡུན་རིང་པོར་མྱོང་བར་འགྱུར་རོ། ། དགེ་སློང་དེས་ཡང་གསོལ་པ། རུས་པའི་རི་ཆེན་པོ་དེ་སུའི་ལགས། མོའུ་འགལ་གྱིས་སྨྲས་པ། ཁྱོད་ཤེས་པར་འདོད་ན་དེ་ནི
77b6 ཁྱོད་ཀྱི་ལུས་སྔ་མའི་རུས་པ་ཡིན་ནོ། ། དགེ་སློང་གིས་དེ་སྐད་ཅེས་ཐོས་ནས་ཤིན་ཏུ་སྐྲག་སྟེ་བ་སྤུ་ཀུན་ལངས་ནས་རྡུལ་ཡང་བྱུང་སྟེ། སློབ་དཔོན་ལ་སྨྲས་པ། བདག་གི་སྙིང་མ་གས
77b7 པར་སྔོན་གྱི་ལས་ཀྱི་རྒྱུ་དང་རྐྱེན་བསྟན་དུ་གསོལ། མེའུ་འགལ་གྱིས་སྨྲས་པ། སྐྱེ་ཤིར་འཁོར་བ་ནི་མཐའ་དང་མུ་མེད་དེ། དགེ་སྡིག་ལས་ཀྱང་ཞིག་ཅིང་མེད་པར་མི་འགྱུར་བས་ལས
iiif viewer powered by OpenSeadragon
