| e-texts navigator |
| Wylie |
68b1 གཞན་རབ་ཏུ་འབྱུང་བར་གནང་ངམ། གལ་ཏེ་བདག་རབ་ཏུ་བྱུང་ན། དེའི་བསོད་ནམས་ནི་རབ་ཏུ་ཆེའོ།། རབ་ཏུ་བྱུང་བ་ནི་མདོ་སྡེའི་ཆུ་ཡོངས་སུ་དག་པས་ཀུན་ནས་ཉོན་མོངས་པའི་དྲི་མ
68b2 ཐམས་ཅད་བཀྲུས་ཏེ། འཁོར་བའི་སྡུག་བསྔལ་ཡོངས་སུ་བསལ་ནས། མྱ་ངན་ལས་འདས་པའི་རྒྱུར་འགྱུར་རོ།། འདུལ་བའི་རྐང་པས་ཚུལ་ཁྲིམས་ཡོངས་སུ་དག་པའི་ས་ལ་འཆག
68b3 ཅིང་ཆོས་མངོན་པའི་མིག་གིས་འཇིག་རྟེན་གྱི་དགེ་བ་དང་། སྡིག་པ་ལ་ལྟ་ཞིང་ཡིད་བཞིན་དུ་འཕགས་པའི་ལམ་བརྒྱད་ལ་འགྲོ་སྟེ། མྱ་ངན་ལས་འདའ་བའི་གྲོང་ཁྱེར་དུ་ཕྱིན་པར་བྱེད་དོ།།
68b4 དེ་བས་ན་རྒན་པོ་འམ། གཞོན་ནུ་རབ་ཏུ་བྱུང་ངམ། རབ་ཏུ་འབྱུང་བར་གནང་ངམ། བདག་རབ་ཏུ་བྱུང་ན་དེའི་བསོད་ནམས་མཆོག་ཏུ་ཆེའོ།། དེའི་ཚེ་བཅོམ་ལྡན་འདས
68b5 རྒྱལ་པོའི་ཁབ་བྱ་ཀ་ལན་ཏ་ཀ་གནས་པ་འོད་མའི་ཚལ་ན་བཞུགས་སོ། ། དེའི་ཚེ་རྒྱལ་པོའི་ཁབ་ན་ཁྱིམ་བདག་དཔལ་སྐྱེས་ཞེས་བྱ་བ་ལོ་བརྒྱ་ལོན་པ་ཞིག་གིས་རབ་ཏུ་འབྱུང་བའི་ཡོན་ཏན་འདི
68b6 ལྟར་ཚད་མེད་དེ་ཞེས་ཐོས་ནས། འདི་སྙམ་དུ་བདག་ཅིའི་ཕྱིར་སངས་རྒྱས་ཀྱི་བསྟན་པ་ལ་རབ་ཏུ་མི་འབྱུང་སྙམ་བསམ་ནས། ཆུང་མ་དང་། བུ་དང་། བྲན་ཁོལ་ལ་ང་ནི་རབ་ཏུ་འབྱུང་ངོ་ཞེས་བྱས་སོ།།
68b7 མི་དེ་རྒས་འཁོགས་པས་ཁྱིམ་བདག་གང་གིས་མི་ཐམས་ཅད་སྐྱོ་སྟེ། དགོས་པ་མེད་དོ་སྙམ་ནས་རབ་ཏུ་འབྱུང་ངོ་ཞེས་ཐོས་པ་དང་། དེ་དག་དགའ་སྟེ་མྱུར་དུ་འགྲོ་བའི་རིགས་ཀྱིས་དུས་ལ་བབ་བོ་ཞེས
iiif viewer powered by OpenSeadragon
