| e-texts navigator |
| Wylie |
68a1 བསོད་ནམས་ཀྱིས་ལྷ་དང་མིའི་ནང་ན་བདེ་བའི་ལོངས་སྤྱོད་ཟད་མི་ཤེས་པ་མཐར་ཐུག་པ་མེད་པ། ཡིད་བཞིན་དུ་མྱོང་ཞིང་མཐར་ཡང་མངོན་པར་འཚང་རྒྱའོ།། དེ་ཅིར
68a2 ཕྱིར་ཞེ་ན། རབ་ཏུ་བྱུང་བའི་ཆོས་ནི་བདུད་ཀྱི་འཁོར་མེད་པར་བྱེད་ཅིང་། སངས་རྒྱས་ཀྱི་གདུང་གསོབ་པར་བྱེད་དེ། སྡིག་པ་མི་དགེ་བའི་ཆོས་མེད་པར་བྱེད་ཅིང་། དགེ་བའི་ཆོས་སྐྱེད་པར
68a3 བྱེད་དོ། ། ཁ་ན་མ་ཐོ་བའི་དྲི་མ་མེད་པར་བྱེད་ཅིང་། བླ་ན་མེད་པའི་བསོད་ནམས་ཀྱི་ལས་སྐྱེ་བར་བྱེད་དེ། དེ་བས་ན་བཅོམ་ལྡན་འདས་ཀྱིས་རབ་ཏུ་བྱུང་བའི་བསོད་ནམས་ནི་རི་རབ་ལྷུན་པོ་པས
68a4 མཐོ་རྒྱ་མཚོ་བས་གཏིང་ཟབ་སྟེ། ནམ་མཁའ་བས་རྒྱ་ཆེའོ་ཞེས་གསུངས་སོ།། གལ་ཏེ་སུ་ཞིག་རབ་ཏུ་བྱུང་བའི་བགེགས་དང་བར་ཆད་བྱས་ཏེ་བསམས་པ་ལྟར་མ་གྲུབ་ན། དེའི་ཁན
68a5 མ་ཐོ་བའི་ལས་ཤིན་ཏུ་ལྕི་བ་ནི་དཔེར་ན་མི་ཞིག་མུན་ཁྲོད་དུ་སོང་ན་ཅི་ཡང་མི་མཐོང་བ་དང་འདྲ་བར། དེའི་སྡིག་པའི་རྣམ་པར་སྨིན་པ་ཡང་དེ་དང་འདྲ་སྟེ། ཤིན་ཏུ་མི་སྣང་བའི་མུན་པ་ནག་པོའི
68a6 སེམས་ཅན་དམྱལ་བར་ལྷུང་ངོ་། ། དཔེར་ན་རྒྱ་མཚོའི་ནང་དུ་ཆུ་བོ་དང་ཆུ་བྲན་ཐམས་ཅད་འབབ་པ་ལྟར། མི་དེའི་སྡིག་པའི་རྣམ་པར་སྨིན་པ་ཡང་དེ་དང་འདྲ་སྟེ། ཉེས་པ་ཐམས་ཅད་དེའི་ལུས
68a7 ལ་འདྲའོ། ། དཔེར་ན་རི་རབ་ལྷུན་པོ་ནི་བསྐལ་པའི་མེ་བྱུང་ན། ལྷག་མ་མི་ལུས་པར་ཚིག་པ་དང་འདྲ་བར། དེ་ཡང་སེམས་ཅན་དམྱལ་བའི་མེས་འཚོག་ནས་ལྷག་མ་མི་ལུས་པ་ཡང་དེ་དང་འདྲའོ།།
iiif viewer powered by OpenSeadragon
