| e-texts navigator |
| Wylie |
67b1 བསོད་ནམས་ཟད་མི་ཤེས་སོ། ། གལ་ཏེ་ཁ་ཅོག་གིས་རིན་པོ་ཆེ་སྣ་བདུན་ལས་བྱས་པའི་མཆོད་རྟེན་མཐོ་ཁྱད་སུམ་ཅུ་རྩ་གསུམ་གནས་ལ་ཐུག་པར་བྱས་པའི་བསོད་ནམས་ཀྱིས་ཀྱང་རབ་ཏུ
67b2 བྱུང་བའི་བསོད་ནམས་ཙམ་མི་ཕོད་དོ། ། དེ་ཅིའི་ཕྱིར་ཞེ་ན། རིན་པོ་ཆེ་སྣ་བདུན་གྱི་མཆོད་རྟེན་ནི། གླེན་པ་མ་རུངས་པ་དག་གིས་བཤིག་པར་འགྱུར་གྱི། རབ་ཏུ་བྱུང་བའི་བསོད་ནམས་ནི།
67b3 གཞིག་ནུས་པ་མེད་དོ།། དགེ་བའི་ཆོས་འདོད་ན་སངས་རྒྱས་ཀྱི་ཆོས་མ་གཏོགས་པ་འདི་ལས་ལྷག་པའི་ཆོས་གཞན་མེད་དོ།། དཔེར་ན་ལོང་བ་བརྒྱའི་མིག་སྨན་པ་མཁས་པ་ཞིག་གིས་ཕྱེ་སྟེ།
67b4 ཅིག་ཅར་མཐོང་བར་བྱས་པ་དང་། གཞན་ཡང་མི་བརྒྱ་ཞིག་མིག་དབྱུང་བ་ལ་ཐུག་པ་ལས། མཐུ་དང་ལྡན་པ་གཅིག་གིས་མིག་དབྱུང་བ་དེ་དག་དེ་ལས་ཐར་པར་བྱས་པ་དང་། མི་འདི་གཉིས་ཀྱི
67b5 བསོད་ནམས་ནི་དཔག་ཏུ་མེད་མོད་ཀྱི། འོན་ཏེ་གཞན་རབ་ཏུ་ཕྱུང་ངམ། བདག་རབ་ཏུ་བྱུང་བའི་བསོད་ནམས་ཙམ་མི་ཕོད་དོ།། དེ་ཅིའི་ཕྱིར་ཞེ་ན། དེ་གཉིས་ཀྱིས་དེ་དག་གི་མིག་བྱིན་པ་ནི།
67b6 འཇིག་རྟེན་གྱི་ཕན་པ་དང་བདེ་བ་ཙམ་ཐོབ་པར་ཟད་ལ། ཤའི་མིག་གི་རང་བཞིན་ནི་འཇིག་པའི་རང་བཞིན་ཅན་ནོ།། གཞན་རབ་ཏུ་ཕྱུང་ངམ། བདག་རབ་ཏུ་བྱུང་ན་གཅིག་གིས་ཙོག་བསྟན
67b7 ཅིང་དྲངས་པས། སེམས་ཅན་གྱི་བསྐལ་པའི་མཐར་བླ་ན་མེད་པའི་ཤེས་རབ་ཀྱི་མིག་ཏུ་འགྱུར་ཏེ། ཤེས་རབ་ཀྱི་མིག་གི་རང་བཞིན་ནི་བསྐལ་པའི་བར་དུ་འཇོག་པར་མི་འགྱུར་རོ།། དེའི
iiif viewer powered by OpenSeadragon
