| e-texts navigator |
| Wylie |
65a1 ཅིང་བདེ་བར་བྱའོ། ། གལ་ཏེ་སྙིང་ནས་མ་བཙལ་ལམ། ལེ་ལོ་ཞིག་བྱས་ཏེ་མ་རྙེད་ན། ཁྱེད་རྣམས་རྩ་བརྒྱུད་ཚུན་ཆད་མེད་པར་བྱའོ་ཞེས་བསྒོའོ།། དེ་ནས
65a2 རྔོན་པ་དེ་དག་ཤིན་ཏུ་མི་དགའ་སྟེ། དབེན་པའི་ཕྱོགས་གཅིག་ཏུ་ཐམས་ཅད་འདུས་ནས་འདི་སྐད་ཅེས་བགྲོས་སོ།། རྒྱལ་པོས་རྨིས་པའི་གཅན་གཟན་དེ་ནི་གནའ་ནས་མ་མཐོང་སྟེ། གལ
65a3 ཏེ་བདག་ཅག་གིས་མ་རྙེད་ན། རྒྱལ་པོའི་བཀའ་ཁྲིམས་གཉན་པས་བདག་ཅག་གསོན་པར་མི་འགྱུར་རོ་ཞེས་བགྲོས་ནས། ལྷག་པར་མི་དགའ་བའི་སེམས་སྐྱེས་ཏེ། ཡང་འདི་སྐད་ཅེས
65a4 སྨྲས་སོ། ། ཤིང་ཀུང་འདི་ན་སྦྲུལ་གདུག་པ་དང་གཅན་གཟན་མ་རུངས་པ་མང་བས། ལམ་རིང་པོར་འགྲོ་ཞིང་སྲོག་མི་འཕངས་པར་དོན་བསྒྲུབ་ཏུ་ནི་སྲོག་དང་བསྔོས་སུ་ཡང་མི་ནུས་པས།
65a5 བདག་ཅག་གི་ནང་ན་མི་གང་གིས་ནུས་པ་གཅིག་ཅིག་ཚོལ་དུ་གཏང་ངོ་།། གལ་ཏེ་མི་དེས་མཐོང་བར་གྱུར་ན། གདོད་བདག་ཅག་སྦྲན་པར་བྱས་ན་ལེགས་སོ་ཞེས་སྨྲས་ནས། མི་ཞིག་ལ་འདི
65a6 སྐད་ཅེས་སྨྲས་སོ། ། ཁྱོད་སྲོག་དང་བསྔོས་ཏེ་ཀུན་ཏུ་འཚོལ་དུ་སོང་ཞིག། གལ་ཏེ་རྙེད་ན་ངེད་སྤྱི་ལས་ནོར་བཀྲལ་ཏེ་མང་དུ་སྦྱིན་ནོ།། ཇི་སྟེ་ཁྱོད་ཕྱིར་མ་འཁོར་ན་ཡང་། ཁྱོད་ཀྱི་བུ་ངང་ཆུང
65a7 མ་ལ་སྦྱིན་ནོ་ཞེས་སྨྲས་ནས། མི་དེས་ཀྱང་འདི་སྙམ་དུ་བདག་ནི་མི་མང་པོ་འདི་དག་གི་ཕྱིར་ལུས་དང་སྲོག་ཡལ་ཡང་བླའོ་སྙམ་བསམས་ནས། འགྲོ་བའི་ཡོ་བྱད་བཤམས་ཏེ། རི་དང་ཚལ་ཉམ
iiif viewer powered by OpenSeadragon
