| e-texts navigator |
| Wylie |
64b1 ། གནོད་པར་བྱེད་པར་མ་ཟད་ཀྱིས། སྔོན་འདས་པའི་དུས་ན་ཡང་ང་ལ་སྡིག་པའི་སེམས་བསྐྱེད་དེ་ང་བསད་པར་གྱུར་ཏོ།། ཀུན་དགའ་བོས། བཅོམ་ལྡན་འདས་ལ་གསོལ་པ། འདས་པའི་དུས
64b2 ན་ལྷ་སྦྱིན་གྱིས་ཇི་ལྟར་གྱིས་པ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་བསྐལ་པ་གྲངས་མེད་དཔག་ཏུ་མེད་པའི་ཕ་རོལ་ན། འཛམ་བུའི་གླིང་འདིར
64b3 ཡུལ་བཱ་རཱ་ཎཱ་སི་ཞེས་བྱ་བ་ན་རྒྱལ་པོ་ཚངས་བྱིན་ཞེས་བྱ་བ་ཁྲོ་ཞིང་གཏུམ་ལ་སྙིང་རྗེ་མེད་དེ། འདོད་ཆགས་དང་ཞེ་སྡང་ཆེ་བ། སྡིག་པའི་ལས་ཀྱིས་གཙེ་ཞིང་གསོད་པ་ལ་དགའ་བ་ཞིག་བྱུང
64b4 ངོངོ། དེའི་ཚེ་ན་རྒྱལ་པོ་དེའི་རྨི་ལམ་དུ་གཅན་གཟན་ལུས་ཀྱི་སྤུ་གསེར་གྱི་མདོག་ལྟར་འདུག་ལ། སྤུའི་ཐོག་མ་ལ་གསེར་ལྟ་བུའི་འོད་བྱུང་ཞིང་། གཡས་གཡོན་ཐམས་ཅད་ཀྱང་གསེར
64b5 གྱི་མདོག་ཏུ་སྣང་བར་བྱེད་པའི་གཅན་གཟན་གཅིག་ཅིག་རྨིས་ནས། དེ་མ་ཐག་ཏུ་སད་དེ་འདི་སྙམ་དུ་བདག་གིས་རྨི་ལམ་ན་མཐོང་བ་འདི་ནི་གདོན་མི་ཟ་བར་ཡོད་ཀྱིས། རྔོན་པ་དག་དེའི་པགས
64b6 པ་འཚོལ་དུ་གཞུག་གོ་སྙམ་བསམས་ནས། རྔོན་པ་རྣམས་བསྡུས་ཏེ་འདི་སྐད་ཅེས་བསྒོའོ།། ཁོ་བོའི་རྨི་ལམ་དུ་གཅན་གཟན་གསེར་གྱི་མདོག་ཅན་སྤུའི་ཐོག་མ་ལ་གསེར་གྱི་འོང་ལྟ་བུ་འབྱུང
64b7 ཁ་ཅིག་རྨིས་ཏེ། འདི་ལྟ་བུ་ཞིག་ཡུལ་འདི་ན་ཡོད་དུ་ངེས་ཀྱིས། ཁྱེད་རྣམས་ཀྱིས་ཀུན་ཏུ་འཚོལ་ལ་དེའི་པགས་པ་བཤུས་ཏེ་ང་ལ་ཕུལ་ཅིག་དང་། ཁྱེད་ཀྱི་བུ་ཚ་རབས་བདུན་ཚུན་ཆད་སྐྱོང
iiif viewer powered by OpenSeadragon
