| e-texts navigator |
| Wylie |
64a1 ཞུ་བས་གདོན་མི་ཟ་བར་ཕྱིས་ནང་དུ་འགྱུར་རོ་ཞེས་སྨྲས་པ་དང་། ལྷ་སྦྱིན་གྱིས་སྨྲས་པ། ཇི་ཙམ་ཟོས་ན་ཁུ་བའི་དྲོང་ཁོ་བོ་ལ་ཡོད་དེ། ཁོ་བོ་དང་སངས་རྒྱས་སུ་བྱེ་བྲག
64a2 ཅི་ཡོད་ཅེས་སྨྲས་ནས། སངས་རྒྱས་དང་འདྲ་བར་ཉིན་གཅིག་ལ་སྨན་སྲང་སུམ་ཅུ་རྩ་གཉིས་གཉིས་བཏང་ནས། སྨན་མ་ཞུ་སྟེ་རྩ་ཀུན་ཏུ་ཟུག་ནས་ཉམ་ཐག་སྟེ། ཤིན་ཏུ་སྡུག་བསྔལ་བའི་སྐད
64a3 ཕྱུང་ནས་འབོད་འགྲོགས་སོ། ། དེ་ལ་བཅོམ་ལྡན་འདས་ཐུགས་བརྩེ་བར་དགོངས་ཏེ། རྒྱང་མ་ནས་ཕྱག་བརྐྱང་ནས་ལྷ་སྦྱིན་གྱི་མགོ་ལ་བྱུགས་པས་མོད་ལ་སྨན་ཀུན་ཞུ་ནས་ཚ་བའི་སྡུག་བསྔལ་དང་བྲལ
64a4 བར་གྱུར་ཏེ། ལྷ་སྦྱིན་གྱིས་བཅོམ་ལྡན་འདས་ཀྱི་ཕྱག་ཡིན་པར་ཤེས་པས་འདི་སྐད་ཅེས་སྨྲས་སོ།། རྒྱལ་བུ་དོན་གྲུབ་ཀྱིས་ཤེས་པའི་རྩལ་དུ་སྨན་ཡང་བསླབས་ཏེ། སྨན་ལ་ཡང་མཁས་པ་ལྟ་སྟེམ
64a5 འདོད་དོ་ཞེས་སྨྲས་སོ། ། དེའི་ཚེ་ན་ཀུན་དགའ་བོས་དེ་སྐད་ཅེས་སྨྲས་པ་ཐོས་ནས་ཤིན་ཏུ་མི་དགའ་སྟེ། པུས་མོ་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ
64a6 ཏོ། ། ལྷ་སྦྱིན་འདི་ནི་བཀའ་དྲིན་མི་འཚལ་ཏེ། བཅོམ་ལྡན་འདས་ཀྱིས་དེ་ལ་ཐུགས་བརྩེ་བར་དགོངས་ནས། དེའི་ནང་ཡོངས་སུ་བསལ་ཀྱང་སླར་མི་དགེ་བའི་སེམས་ཀྱིས་ཚིག་མི་དགོས་པ་སྨྲས
64a7 ཏེརྟག་ཏུ་བཅོམ་ལྡན་འདས་ལ་བསྔོའོ། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ལྷ་སྦྱིན་གྱིས་ད་ལྟར་འདི་འབའ་ཞིག་ཏུང་ལ་མི་དགེ་བའི་སེམས་བསྐྱེད་ནས་ངལ
iiif viewer powered by OpenSeadragon
