| e-texts navigator |
| Wylie |
63b1 དྲུག་བཏུལ་བའི་ལེའུ་སྟེ་བཅུ་གསུམ་པའོ། ། ། བབ་པོ་བཞི་པ།། གཅན་གཟན་ཀུ་ཏས་ལུས་ཀྱི་སྦྱིན་པ་བྱས་པའི་ལེའུའོ།། འདི་སྐད་བདག
63b2 གིས་ཐོས་པ་དུས་གཅིག་ན། བཅོམ་ལྡན་འདས་ཀྱིས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་བཅོམ་ལྡན་འདས་ཀྱི་སྐུ་ལ་བསེར་མའི་བསྲུན་གྱིས་བཟུང་ནས། སྨན
63b3 པ་འཚོ་བྱེད་ཀྱིས་སྨན་རྣམ་པ་སུམ་ཅུ་རྩ་གཉིས་དང་མར་དུ་སྦྱར་ཏེ། ཉིན་རེ་རེ་ཞིང་སྦྱར་སྨན་སྲང་སུམ་ཅུ་རྩ་གཉིས་གཉིས་གསོལ་ལོ།། ལྷ་སྦྱིན་མ་རུངས་པ་ཕྲག་དོག་གི་སེམས་སྐྱེས་ནས།
63b4 སངས་རྒྱས་དང་མཉམ་མོ་ཞེས་བསྒྲགས་ཏེ། བཅོམ་ལྡན་འདས་ཀྱིས་གསོལ་བ་ཐོས་ནས། སྨན་འདོད་ཅིང་སངས་རྒྱས་དང་འདྲ་བར་བྱ་བའི་ཕྱིར་སྨན་པ་འཚོ་བྱེད་ལ། བཅོམ་ལྡན་འདས
63b5 གསོལ་བའི་སྨན་ང་ལ་ཡང་སྦྱོར་ཏེ་བྱིན་ཅིག་ཅེས་བསྒོའོ། ། དེ་ནས་འཚོ་བྱེད་ཀྱིས་སྨན་སྦྱར་ཏེ་ལྷ་སྦྱིན་ལ་བྱིན་ནས། ཉིན་རེ་ལ་སྲང་བཞི་བཞི་ཐོང་ཞིག་ཅེས་བསྒོ་བ་དང་། ལྷ་སྦྱིན་གྱིས་ང
63b6 ལྟར་བཅོམ་ལྡན་འདས་ཉིན་རོ་ཞིང་སྲང་དུ་དུ་གསོལ་ཞེས་དྲིས་སོ། ། འཚོ་བྱེད་ཀྱིས་བཅོམ་ལྡན་འདས་ནི་ད་ལྟར་ཉིན་རེ་ཞིང་སྲང་སུམ་ཅུ་རྩ་གཉིས་གཉིས་གསོལ་ལོ་ཞེས་སྤྲས་པ་དང་། ལྷ་སྦྱིན་གྱིས
63b7 ཁོ་བོ་ལ་ཡང་ཉིན་རེ་ཞིང་སྲང་སུམ་ཅུ་རྩ་གཉིས་གཉིས་བྱིན་ཅིག་ཅེས་བསྒོ་བ་དང་། འཚོ་བྱེད་ཀྱིས་སྤྲས་པ། དེ་བཞིན་གཤེགས་པའི་སྐུ་དང་ཁྱོད་ནི་མི་འདྲ་སྟེ། ཁྱོད་ཀྱིས་མང་དུ་ཟོས་ན་མི
iiif viewer powered by OpenSeadragon
