| e-texts navigator |
| Wylie |
63a1 སྡོང་དུམ་དང་འདྲ་ཞེས་ཚིག་ངན་པ་སྨྲས་ཏེ། ཁྲོས་བཞིན་བླ་མར་གྱི་ཚིགས་མ་བྱིན་པས། སྐྱེ་བ་ཐམས་ཅད་དུ་ཤིན་ཏུ་མི་སྡུག་པར་གྱུར་ཏོ།། ཕྱིས་འགྱོད་ཚངས
63a2 བྱས་ཏེ་མར་བཟང་པོ་ཕུལ་བས་སྐྱེ་བ་ཐམས་ཅད་དུ་ཕྱིས་བཟང་ཞིང་སྡུག་པར་གྱུར་ཏོ། ། མར་ཕུལ་བས་ན་སྐྱེ་བ་ཐམས་ཅད་དུ་མཐུ་སྟོབས་དང་ལྡན་ཏེ་ཐམས་ཅད་ཐུབ་པར་གྱུར་ཏོ།། དེའི
63a3 བསོད་ནམས་ཀྱིས་ནི་འཁོར་ལོས་སྒྱུར་བའི་རྒྱལ་པོར་གྱུར་ཏེ། གླིང་བཞི་ལ་དབང་ཞིང་འདོད་པ་ལྔ་ལ་ཡིད་བཞིན་དུ་སྤྱོད་པར་གྱུར་ཏོ།། དགེ་བ་དང་སྡིག་པའི་ལས་རྣམ་པར་སྨིན་པ་ནི་ནམ
63a4 ཡང་མེད་པར་མི་འགྱུར་ཏེ། དེ་བས་ན་ལུས་དང་། ངག་དང་། ཡིད་ཀྱི་ལས་བསྲུང་བ་ལ་ནན་ཏན་བྱའོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། རྒྱལ་པོ་གཟུགས
63a5 ཅན་སྙིང་པོ་ལ་སོགས་ཏེ། རྒྱལ་པོ་དང་། བློན་པོ་དང་། འཁོར་རྣམ་བཞི་དང་། ལྷ་དང་། ཀླུ་ལ་སོགས་པས་ཐོས་ནས། ལ་ལ་ནི་རྒྱུན་དུ་ཞུགས་པའི་འབྲས་བུ་ཐོབ།
63a6 ལ་ལ་ནི་ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པའི་འབྲས་བུ་ཐོབ། ལ་ལ་ནི་རང་སངས་རྒྱས་ཀྱི་དགེ་བའི་རྩ་བ་བསྐྱེད། ལ་ལ་ནི་བླ་ན་མེད་པའི་བྱང་ཆུབ
63a7 ཏུ་སེམས་བསྐྱེད་དོ། ཕྱིར་མི་ལྡོག་པའི་ས་ལ་གནས་པར་གྱུར་ནས། འཁོར་དེ་དག་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རོང་ནས་མངོན་པར་དགའའོ།། སྟོན་པ
iiif viewer powered by OpenSeadragon
