| e-texts navigator |
| Wylie |
62b1 ཚིགས་ས་ཕུལ་ནས་ངང་པའི་སེམས་མེད་པས་གང་དུ་སྐྱེས་ཀྱང་ཤིན་ཏུ་མི་སྡུག་པར་འོང་ན། ཁྱོད་དང་ཇི་ལྟར་ཁྱོ་ཤུག་ཏུ་བྱ་ཞེས་སྨྲས་པ་དང་། ཁྱོས་སྨྲས་པ། ཁོ་བོས་རྟག་ཏུ་ཉོན་མོངས་ཏེ་མར
62b2 འཆག་པའི་ལས་བྱས་ན། ཅིའི་ཕྱིར་ཁྱོད་ཀྱི་སྦྱིན་པའི་འབྲས་བུ་ང་དང་ཐུན་མོང་དུ་མི་སྔོ།། ང་མི་ཉན་གྱིས་ཁྱོད་དང་ཁྱོ་ཤུག་ཏུ་བྱ་དགོས་སོ།། ཆུང་མས་སྨྲས་པ། ཇི་སྟེ་ཁྱོད་དང་ཁྱོ་ཤུག་ཏུ་གྱུར།
62b3 ན་ཁྱོད་མི་སྡུག་ཆེས་ནས། ཁོ་མོས་ཁྱོད་དོར་ཏེ་མཚན་མོ་བྲོས་སུ་འོང་ངོ་།། ཁྱོས་སྨྲས་པ། ཇི་སྟེ་ཁྱོད་བྲོས་ན་ཡང་ངས་ཕྱི་བཞིན་བསྙེགས་ལ་ཁྱོད་ཐོབ་པར་བྱས་ནས་ཕྱིར་འོང་ངོ་ཞེས།
62b4 ཁྱོད་ཤུག་གཉིས་གཅིག་ལ་གཅིག་སྨྲས་ནས། རང་སངས་རྒྱས་དེ་ལ་ལུས་དང་སྲོག་ཕྱོགས་ནས་འགྱོད་ཚངས་བྱས་སོ།། དེའི་ཚེ་ན་རང་སངས་རྒྱས་དེས། ཁྱོ་ཤུག་དེ་གཉིས་ལ་འདི་སྐད་ཅེས
62b5 བསྒོའོ། ། ཁྱེད་ཁྱོ་ཤུག་གཉིས་ཀྱིས་ངལ་མར་བྱིན་པས་ན་ངའི་ནད་སོས་ཀྱིས། ཁྱོ་ཤུག་གཉིས་ཀྱི་ཅིར་སྨོན་པ་སྨྲོས་ཤིག། དེ་བཞིན་དུ་འགྲུབ་པར་འགྱུར་རོ་ཞེས་བསྒོ་བ་དང་། མི་ཁྱེ་ཤུག
62b6 དེ་གཉིས་རབ་ཏུ་དགའ་ནས། པུས་མོ་ས་ལ་བཙུགས་ཏེ་འདི་སྐད་ཅེས་སྨོན་ལམ་བཏབ་བོ།། བདག་ཅག་ཁྱོ་ཤུག་གཉིས་ལྷ་འམ། མི་འམ། གང་དུ་སྐྱེས་ཀྱང་ཡིད་བཞིན་དུ་གྲུབ་པར་གྱུར
62b7 ཅིག་ཅེས་སྨོན་ལམ་བཏབ་བོ། ། རྒྱལ་པོ་ཆེན་པོ་དེའི་ཚེ་དེའི་དུས་ན་མར་འཚག་པའི་མི་དེ་ནི་རྒྱལ་བུ་སྡོང་དུ་མ་ཡིན་ནོ།། དེའི་ཆུང་མ་ནི་སྡོད་དུམ་གྱི་ཆུང་མ་ཉིད་ཡིན་ནོ།། དེའི་ཚེ་ན་རང་སངས་རྒྱས་ལ།
iiif viewer powered by OpenSeadragon
